راولپنڈی۔ 25 دسمبر(اے پی پی) چیف آف آرمی سٹاف و چیف آف ڈیفنس اسٹاف فیلڈ مارشل سید عاصم منیر، نشانِ امتیاز (ملٹری)، ہلالِ جرأت راولپنڈی دے کرائسٹ چرچ اچ کرسمس دیاں تقریبات اچ شرکت کیتی اتے ایں خوشی دے بھرپور موقع تے مسیحی برادری نال یکجہتی کیتی اے۔ انہاں مسیحی برادری کوں کرسمس دی دلی مبارکباد پیش کیتی اتے امن، ہم آہنگی اتے خوشحالی کیتے اپݨیاں نیک تمناواں پچایاں۔ آئی …
فیلڈ مارشل سید عاصم منیر دی راولپنڈی دے کرائسٹ چرچ اچ کرسمس دیاں تقریبات اچ شرکت
راولپنڈی۔ 25 دسمبر(اے پی پی) چیف آف آرمی سٹاف و چیف آف ڈیفنس اسٹاف فیلڈ مارشل سید عاصم منیر، نشانِ امتیاز (ملٹری)، ہلالِ جرأت راولپنڈی دے کرائسٹ چرچ اچ کرسمس دیاں تقریبات اچ شرکت کیتی اتے ایں خوشی دے بھرپور موقع تے مسیحی برادری نال یکجہتی کیتی اے۔ انہاں مسیحی برادری کوں کرسمس دی دلی مبارکباد پیش کیتی اتے امن، ہم آہنگی اتے خوشحالی کیتے اپݨیاں نیک تمناواں پچایاں۔ آئی ایس پی آر دے مطابق، بانی پاکستان قائدِ اعظم محمد علی جناح کوں خراجِ عقیدت پیش کریندے فیلڈ مارشل مساوات، آزادی اتے مذہبی رواداری دے قائد دے وژن کوں اڳونہا کیتے اتے اقلیتاں دے حقوق دے تحفظ کوں پاکستان دے نظریے دی بنیادی اساس قرار ݙتا۔ تقریب اچ خطاب کریندے ہوئیں فیلڈ مارشل قومی ترقی اتے سلامتی کیتے پاکستانی مسیحی برادری دی لازوال خدمات کوں سراہیا، جنہاں اچ پاکستان دی مسلح افواج اچ نسل در نسل انھاں دی قابلِ فخر اتے نمایاں خدمات شامل ہن۔ انہاں بین المذاہب ہم آہنگی، ہک ٻئے دے احترام تے اتحاد دی اہمیت تے زور ݙے تے آکھیا جو پاکستان دی اصل طاقت ایندے تنوع، برابری دے موقعیاں تے مذہب، نسل، ذات اتے عقیدے توں بالاتر مشترکہ آئینی اقدار اچ ہے۔ چیف آف آرمی سٹاف و چیف آف ڈیفنس اسٹاف آئینِ پاکستان اچ درج سارے شہریاں دی عزت، تحفظ اتے برابر دے حقوق دے دفاع کیتے افواجِ پاکستان دے عزم دا اعادہ کیتا۔ ایں موقع تے مسیحی برادری دے رہنماواں فیلڈ مارشل دے دورے تے شکریہ ادا کیتا اتے وطن دے دفاع، مذہبی ہم آہنگی اتے قومی اتحاد کوں اگو تے ودھاوݨ اچ افواجِ پاکستان دے کردار دی تعریف کیتی۔
