نیویارک۔23 ستمبر(اے پی پی) نائب وزیراعظم تے وزیر خارجہ محمد اسحاق ڈار نیویارک اچ اقوام متحدہ دی جنرل اسمبلی دے 81 ویں اجلاس دے موقع تے یونان دے وزیر خارجہ جارج گیراپیٹریٹس نال ملاقات کیتی، ملاقات اچ پاکستان تے یونان وچال ݙوطرفہ تعلقات کوں مزید تکڑا بݨاوݨ دے عزم دا اعادہ کیتا ڳیا۔ دفتر خارجہ توں جاری بیان موجب یونان دے وزیرخارجہ گیراپیٹریٹس علاقائی امن و استحکام دے ودھارے اچ …
محمد اسحاق ڈار دی اقوام متحدہ دی جنرل اسمبلی دے اجلاس دے موقع تے یونانی ہم منصب نال ملاقات، ݙوطرفہ تعلقات مزید تکڑے بݨاوݨ دا عزم
مزید خبراں
نیویارک۔23 ستمبر(اے پی پی) نائب وزیراعظم تے وزیر خارجہ محمد اسحاق ڈار نیویارک اچ اقوام متحدہ دی جنرل اسمبلی دے 81 ویں اجلاس دے موقع تے یونان دے وزیر خارجہ جارج گیراپیٹریٹس نال ملاقات کیتی، ملاقات اچ پاکستان تے یونان وچال ݙوطرفہ تعلقات کوں مزید تکڑا بݨاوݨ دے عزم دا اعادہ کیتا ڳیا۔ دفتر خارجہ توں جاری بیان موجب یونان دے وزیرخارجہ گیراپیٹریٹس علاقائی امن و استحکام دے ودھارے اچ پاکستان دے تعمیری کردار دے نال نال عالمی سطح تے پاکستان دی ودھدی سفارتی سرگرمیاں دی تعریف کیتی۔ ݙوہیں رہنماواں پاکستان تے یونان وچال ݙوپاسے تعلقات کوں مزید تکڑا بݨاوݨ دے عزم دا اعادہ کیتا جیندے اچ تجارت، سرمایہ کاری تے کاروباری سطح تے رابطیں دے ودھارے تے خصوصی توجہ مرکوز تھیسی۔ یونان اچ رہݨ آلے پاکستانی تارکینِ وطن دی قابلِ قدر خدمات دی وی یونانی وزیر خارجہ تعریف کیتی ۔ ݙوہیں وزرائے خارجہ توانائی دی فراہمی اچ خلل سودھے علاقائی تے عالمی صورتحال تے ڳالھ مہاڑ کیتی تے بلا رکاوٹ بحری نقل و حرکت دی اہمیت تے زور ݙتا۔ ݙوہیں وزرائے خارجہ اعلیٰ سطحی رابطیں کوں مسلسل برقرار رکھݨ تے اتفاق کیتا تے ھک ݙوجھے کوں سانجھے دوریں دی دعوت ݙتی۔
