اسلام آباد۔23 ستمبر(اے پی پی) نائب وزیراعظم تے وزیرخارجہ اسحاق ڈار نیویارک اچ اقوام متحدہ دی جنرل اسمبلی دے 81 ویں اجلاس دے موقع تے ہنگری دی اپݨی ہم منصب انیتا اربان نال ملاقات کیتی۔ ترجمان دفتر خارجہ موجب نائب وزیراعظم / وزیرخارجہ اسحاق ڈار ہنگری دی وزیر خارجہ اربان کوں عہدہ سنبھالݨ تے مبارخ ݙتی تے دورانِ مدت انہاں دی کامیابی کیتے اپݨی نیک خواہشات دا اظہار کیتا۔ …
محمد اسحاق ڈار دی نیویارک اچ اقوام متحدہ دی جنرل اسمبلی دے اجلاس دے موقع تے ہنگری دی ہم منصب نال ملاقات
مزید خبراں
اسلام آباد۔23 ستمبر(اے پی پی) نائب وزیراعظم تے وزیرخارجہ اسحاق ڈار نیویارک اچ اقوام متحدہ دی جنرل اسمبلی دے 81 ویں اجلاس دے موقع تے ہنگری دی اپݨی ہم منصب انیتا اربان نال ملاقات کیتی۔ ترجمان دفتر خارجہ موجب نائب وزیراعظم / وزیرخارجہ اسحاق ڈار ہنگری دی وزیر خارجہ اربان کوں عہدہ سنبھالݨ تے مبارخ ݙتی تے دورانِ مدت انہاں دی کامیابی کیتے اپݨی نیک خواہشات دا اظہار کیتا۔ ݙوہیں وزرائے خارجہ پاکستان-ہنگری تعلقات کوں مزید تکڑا بݨاوݨ تے سیاسی، اقتصادی، تجارتی و سرمایہ کاری، تعلیم تے عوامی سطح دے شعبیں اچ تعاون ودھاوݨ دے عزم دا اعادہ کیتا۔ ݙوہیں پاسوں سانجھی مشغولیت اچ تسلسل برقرار رکھݨ کیتے باقاعدہ ݙو طرفہ مشاورتی میکانزم منعقد کرݨ دی اہمیت تے زور ݙتا۔ ݙوہیں وزراء علاقائی تے بین الاقوامی پیش رفت تے وی ڳالھ کیتی۔ نائب وزیراعظم تے وزیر خارجہ ایں ڳالھ تے زور ݙتا جو چیلنجز نال نبڑݨ دا واحد قابلِ عمل ذریعہ مکالمہ تے سفارت کاری اے تے سارے فریقاں دے اسلام آباد مفاہمت دی یادداشت دی طرف واپس آوݨ دی اہمیت کوں اجاگر کیتا۔ ݙوہیں پاسوں سانجھی دلچسپی دے ݙو طرفہ تے علاقائی معاملیں تے نیڑے رابطے دے ودھاوݨ تے اتفاق کیتا۔
