اسلام آباد۔ 27 دسمبر(اے پی پی) نائب وزیراعظم و وزیرِ خارجہ سینیٹر محمد اسحاق ڈار آکھیے جو پاکستان جینکوں کݙاہیں سفارتی طور تے کلھا سمجھیا ویندا ہئی، اڄ موجودہ حکومت دی پالیسیاں پاروں عالمی برادری وچ مضبوط حیثیت اختیار کرچکے۔ وزارتِ خارجہ دی سالانہ کارکردگی تے پریس کانفرنس کریندے انہاں آکھیا جو بھارت دے نال چار ݙینھ دے مسلح تصادم دے دوران بھارتی بالادستی دا دعویٰ ناکام تھی ڳئے ۔ …
حکومت دی متحرک پالیسیاں پاروں پاکستان سفارتی تے معاشی طور تے ابھردا پئے، اسحاق ڈار دی پریس کانفرنس
اسلام آباد۔ 27 دسمبر(اے پی پی) نائب وزیراعظم و وزیرِ خارجہ سینیٹر محمد اسحاق ڈار آکھیے جو پاکستان جینکوں کݙاہیں سفارتی طور تے کلھا سمجھیا ویندا ہئی، اڄ موجودہ حکومت دی پالیسیاں پاروں عالمی برادری وچ مضبوط حیثیت اختیار کرچکے۔ وزارتِ خارجہ دی سالانہ کارکردگی تے پریس کانفرنس کریندے انہاں آکھیا جو بھارت دے نال چار ݙینھ دے مسلح تصادم دے دوران بھارتی بالادستی دا دعویٰ ناکام تھی ڳئے ۔ اسحاق ڈار آکھیا جو پاکستان دی ایٹمی تے میزائل قوت ملکی دفاع کوں ناقابلِ تسخیر بݨا ݙتے تے ہݨ ساری توجہ معیشت کوں طاقتور بݨاوݨ تے ہے انہاں ݙسایا جو ریکوڈک جیھے منصوبیں تے غیر ملکی سرمایہ کاری آندی پئی اے ۔ کشمیر دے مسئلے تے ڳالھ کریندے انہاں آکھیا جے تئیں اے مسئلہ حل نئیں تھیندا، خطے وچ پائیدار امن ممکن کائناں تھھیسی۔ انہاں امریکہ، بنگلہ دیش تے روس نال تعلقات وچ بہتری دا وی ذکر کیتا۔ افغانستان دے حوالے نال انہاں افسوس دا اظہار کیتا جو طالبان حکومت دہشت گرداں دے خلاف ٹھوس اقدامات نی کریندی پئی۔
