لاڑکانہ۔ 28 دسمبر(اے پی پی) پاکستان پیپلز پارٹی دے چیئرمین بلاول بھٹو زرداری آکھیے جو سندھ وچ صحت دیاں بہترین سہولتاں موجود ہن۔ سندھ حکومت عوام دی فلاح و بہبود کیتے بھرپور اقدامات کریندی پئی اے ۔اے ڳالھ انہاں لاڑکانہ دے چلڈرن ہسپتال وچ سندھ انسٹی ٹیوٹ آف چائلڈ ہیلتھ اینڈ نیونوٹولوجی دے تحت ٻالاں سانڳے انتہائی نگہداشت دے یونٹس دا افتتاح کرݨ توں بعد میڈیا نال الویندے آکھی اے …
سندھ وچ صحت دیاں بہترین سہولتاں موجود ہن، بلاول بھٹو زرداری
لاڑکانہ۔ 28 دسمبر(اے پی پی) پاکستان پیپلز پارٹی دے چیئرمین بلاول بھٹو زرداری آکھیے جو سندھ وچ صحت دیاں بہترین سہولتاں موجود ہن۔ سندھ حکومت عوام دی فلاح و بہبود کیتے بھرپور اقدامات کریندی پئی اے ۔اے ڳالھ انہاں لاڑکانہ دے چلڈرن ہسپتال وچ سندھ انسٹی ٹیوٹ آف چائلڈ ہیلتھ اینڈ نیونوٹولوجی دے تحت ٻالاں سانڳے انتہائی نگہداشت دے یونٹس دا افتتاح کرݨ توں بعد میڈیا نال الویندے آکھی اے ۔ انھاں آکھیا جو سندھ وچ شرحِ اموات وچ تکھے گھٹ تھیندی پئی اے، اٹھارویں ترمیم توں بعد سندھ وچ صحت دے شعبے وچ ٻہوں کم تھئے ، سندھ حکومت عوام دی فلاح و بہبود کیتے بھرپور اقدامات چیندی پئی اے۔ بلاول بھٹو زرداری آکھیا جو سندھ وچ مریضاں کوں سو فیصد مفت طبی سہولتاں ݙتیاں ویندیاں پئن، ٻالڑیاں کوں عالمی معیار موجب سو فیصد مفت طبی سہولت ݙیوݨ دی کوشش کریندے پیوں۔ انھاں آکھیا جو عوام کوں علاج معالجے دی معیاری سہولتاں ݙیوݨ ضروری اے، عوام کوں سہولتاں ݙیوݨ ساݙا فرض اے ۔ ہک سوال دے جواب وچ انھاں آکھیا جو اساں ٻہوں شکر گزار ہیسے۔ وزیراعظم محمد شہباز شریف تے (ن) لیگ دے قائد محمد نواز شریف دے جنھاں شہید محترمہ بے نظیر بھٹو دی برسی دے موقع تے اپݨا ہک وفد گڑھی خدا بخش بھیڄیا۔
