اسلام آباد۔ 22 جنوری (اے پی پی) وفاقی وزیر اطلاعات تے نشریات عطاء اللہ تارڑ پریس ایسوسی ایشن آف سپریم کورٹ دے سالانہ انتخابات اچ نویں منتخب تھیوݨ آلے عہدیداراں کوں مبارکباد ݙتی اے۔ خمیس کوں آپݨے مبارکبادی بیان اچ وفاقی وزیر اطلاعات عمران وسیم کوں صدر، امانت رضا گشکوری کوں جنرل سیکرٹری، ابرار استوری کوں نائب صدر، عابد نثار کوں سیکرٹری خزانہ، سحرش خان کوں سیکرٹری اطلاعات جݙاں جو …
وفاقی وزیر اطلاعات عطاء اللہ تارڑ دی پریس ایسوسی ایشن آف سپریم کورٹ دے نویں منتخب عہدیداراں کوں مبارکباد
اسلام آباد۔ 22 جنوری (اے پی پی) وفاقی وزیر اطلاعات تے نشریات عطاء اللہ تارڑ پریس ایسوسی ایشن آف سپریم کورٹ دے سالانہ انتخابات اچ نویں منتخب تھیوݨ آلے عہدیداراں کوں مبارکباد ݙتی اے۔ خمیس کوں آپݨے مبارکبادی بیان اچ وفاقی وزیر اطلاعات عمران وسیم کوں صدر، امانت رضا گشکوری کوں جنرل سیکرٹری، ابرار استوری کوں نائب صدر، عابد نثار کوں سیکرٹری خزانہ، سحرش خان کوں سیکرٹری اطلاعات جݙاں جو زاہد شریف، رؤف بزمی تے سبین شہباز کوں ممبر ایگزیکٹو باڈی منتخب تھیوݨ تے دلی مبارکباد پیش کیتی اے۔ عطاء اللہ تارڑ آکھیے جو پریس ایسوسی ایشن آف سپریم کورٹ ہک اہم تے عزت آلا صحافتی فورم اے جیہڑا عدالتی رپورٹنگ اچ پیشہ ورانہ اقدار، ذمہ دار صحافت تے آئین و قانون دی بالادستی دے فروغ اچ اہم کردار ادا کریندا پئے۔ انھاں امید ظاہر کیتی جو نویں منتخب قیادت صحافی برادری دی بھلائی تے پیشہ ورانہ حقوق دے تحفظ کیتے بھرپور کردار ادا کریسی۔ وفاقی وزیر اطلاعات نے نویں منتخب عہدیداراں کیتے نیک خواہشات دا اظہار کریندیں ہوئیں آکھیے جو حکومت صحافیاں دی آزادی، تحفظ تے مسئلیاں دے حل کیتے بھرپور تعاون جاری رکھیسی۔
