اسلام آباد۔21جنوری (اے پی پی)ایسوسی ایٹڈ پریس آف پاکستان (اے پی پی) دے منیجنگ ڈائریکٹر محمد عاصم کھچی نال بلغارین نیوز ایجنسی (بی ٹی اے) دے ڈائریکٹر جنرل کریل ویلچیف ملین۔ انہاں ݙوہاں خبر رساں اداریاں وچال میڈیا تعاون دے امکانات تے الایا۔ بلغاریہ دی سفیر ایرینا گانچیوا نال "اے پی پی” ہیڈکوارٹرز دے دورے ویلھے ڈی جی” بی ٹی اے” کوں ادارے دے پیشہ ورانہ نظامِ کار تے …
ایم ڈی اے پی پی نال محمد عاصم کھچی نال بلغارین نیوز ایجنسی دے ڈی جی کریل ویلچیف دی ملاقات
اسلام آباد۔21جنوری (اے پی پی)ایسوسی ایٹڈ پریس آف پاکستان (اے پی پی) دے منیجنگ ڈائریکٹر محمد عاصم کھچی نال بلغارین نیوز ایجنسی (بی ٹی اے) دے ڈائریکٹر جنرل کریل ویلچیف ملین۔ انہاں ݙوہاں خبر رساں اداریاں وچال میڈیا تعاون دے امکانات تے الایا۔ بلغاریہ دی سفیر ایرینا گانچیوا نال “اے پی پی” ہیڈکوارٹرز دے دورے ویلھے ڈی جی” بی ٹی اے” کوں ادارے دے پیشہ ورانہ نظامِ کار تے تفصیلی بریفنگ ݙتی گئی۔ایم ڈی اے پی پی محمد عاصم کھچی انہاں کوں “اے پی پی “خبراں دی ترسیل دا ݙسایا۔ انہاں آکھیا جو اے پی پی دا وسیع ادارتی نیٹ ورک اسلام آباد اچ ہیڈکوارٹرز دے علاوہ علاقائی بیوروز، سٹیشنز، بیرون ملک نمائنداں اتے ملک بھر اچ جز وقتی رپورٹرز دے وݙے نیٹ ورک تے مشتمل اے۔ انہاں آکھیا جو اے پی پی ڄق دے 50 توں ودھ ملکاں دی سرکاری خبر رساں ایجنسیاں نال خبراں دے تبادلے دے معاہدے کیتن جیڑھے بین الاقوامی سطح تے پاکستان دے بیانیے کوں اڳونہا کرݨ اچ وݙا ہتھ ونݙیندن۔ ڈی جی بی ٹی اے کریل ویلچیف اپݨی ایجنسی دیاں خبراں دی سرگرمیاں اتے ڈیجیٹل سروسز بارے ݙسایا اتے اے پی پی نال میڈیا تعاون ودھاوݨ اچ اپݨی دلچسپی ݙسائی۔ انہاں فوہاں اداریاں وچال صحافتی تبادلہ پروگرام دی تجویز وی ݙتی تاں جو باہمی تعاون ٻیا ودھایا ونڄے۔ ایں موقع تے ایم ڈی اے پی پی ڈی جی بی ٹی اے کوں سرکاری خبر رساں ادارے دے پہلے دورے دی یادگار دے طور تے شیلڈ پیش کیتی۔ وفد اے پی پی دے مختلف شعبہ جات، جیندے اچ سنٹرل نیوز ڈیسک، ڈیٹا سینٹر اتے سٹوڈیوز شامل ہین دا دورہ وی کیتا۔ ایں موقع تے ایگزیکٹو ڈائریکٹر سبین عثمان خٹک اتے ڈائریکٹر نیوز شمائلہ عندلیب وی موجود ہن۔
