وفاقی وزیر ریلوے محمد حنیف عباسی نال قازقستان دے سفیر دی ملاقات

اسلام آباد۔ 22 جنوری(اے پی پی) وفاقی وزیر ریلوے محمد حنیف عباسی نال قازقستان دے سفیر یرژان کستافین ملاقات کیتی جیندے اچ پاکستان-قازقستان ریلوے کنیکٹیوٹی تے تفصیلی ڳالھ مہاڑ کیتی ڳئی۔ ایں منصوبے کوں ریجنل کنیکٹیوٹی دے وژن دے تحت انتہائی اہم تے سٹریٹجک قرار ݙتا ڳئے جیہڑا پورے خطے کیتے سنگِ میل ثابت تھیسی۔ محمد حنیف عباسی آکھیا جو کراچی پورٹ توں قازقستان تئیں ریلوے کنیکٹیوٹی دا منصوبہ تیار اے جیہڑا پاکستان کوں وسطی ایشیا نال براہِ راست جڑیسی۔ اے منصوبہ 7 ارب ڈالر دی مالیت دا اے جیہڑا ترائے سال دی ریکارڈ مدت اچ مکمل کیتا ویسی۔ قازقستان دے صدر 3 فروری کوں پاکستان دا دورہ کریسن اتے ایں موقع تے باقاعدہ ایم او یو تے دستخط کیتے ویسن۔