اسلام آباد۔ 22 جنوری (اے پی پی) صدرِ مملکت آصف علی زرداری نال پاکستان دے اردن کیتے نامزد سفیر میجر جنرل (ریٹائرڈ) خرم سرفراز خان ملین۔ نویاں سفارتی ذمہ داریاں سنبھالݨ تے صدرِ مملکت انھاں کوں مبارکباد ݙتی اتے امید کیتی جو او اردن نال پاکستان دے کثیرالجہتی تعلقات کوں مزید مضبوط بݨاوݨ اچ پراثر کردار ادا کریسن۔ صدرِ مملکت آصف علی زرداری پاکستان اتے اردن دے دیرینہ تعلقات کوں …
صدرِ مملکت آصف علی زرداری نال پاکستان دے اردن کیتے نامزد سفیر میجر جنرل (ر) خرم سرفراز خان دی ملاقات
اسلام آباد۔ 22 جنوری (اے پی پی) صدرِ مملکت آصف علی زرداری نال پاکستان دے اردن کیتے نامزد سفیر میجر جنرل (ریٹائرڈ) خرم سرفراز خان ملین۔ نویاں سفارتی ذمہ داریاں سنبھالݨ تے صدرِ مملکت انھاں کوں مبارکباد ݙتی اتے امید کیتی جو او اردن نال پاکستان دے کثیرالجہتی تعلقات کوں مزید مضبوط بݨاوݨ اچ پراثر کردار ادا کریسن۔ صدرِ مملکت آصف علی زرداری پاکستان اتے اردن دے دیرینہ تعلقات کوں ٻہوں اہم قرار ݙیندے آکھیے جو ݙوہیں ملک مشترکہ تاریخ، ثقافت اتے مذہبی اقدار دی بنیاد تے مضبوط رشتیاں اچ جڑیے ہوئن۔ انھاں اردن دے فرمانروا شاہ عبداللہ دوئم، اردن دے عوام اتے فلسطینی قیادت کیتے نیک تمناواں پچائن۔ صدرِ مملکت اردن اچ رہݨ والے پاکستانی برادری دے کردار دی تعریف کیتی اتے اتھاں پاکستانیاں دی بھلائی کیتے بہتر قونصلر سہولیات، باقاعدہ رابطے اتے سفارت خانے تے کمیونٹی وچال قریبی تعاون تے زور ݙتا۔ صدرِ مملکت فلسطینی عوام دے حقِ خودارادیت اتے 1967 توں پہلے دی سرحداں دی بنیاد تے ہک آزاد فلسطینی ریاست دے قیام، جیندا دارالحکومت القدس الشریف ہووے، کیتے پاکستان دے اصولی اتے سفارتی مؤقف کوں ول دہرائے۔ انھاں خطے اچ امن و استحکام کیتے اردن دے کردار دی تعریف کیتی اتے امید کیتی جو نامزد سفیر اردن اتے فلسطین نال پاکستان دے تعلقات کوں مزید مضبوط بݨاوݨ کیتے بھرپور طریقے نال خدمات انجام ݙیسن۔
