اسلام آباد۔ 23 جنوری(اے پی پی)صومالیہ دے وزیر داخلہ علی یوسف پاکستان دے دورے تے ہین جتھاں انہاں اعلیٰ سطح وفد دے کٹھے وزارت داخلہ اچ وزیر داخلہ محسن نقوی نال ملاقات کیتی اتے انتہا پسندی دے خلاف مشترکہ حکمت عملی سودھا ٹریننگ، بارڈر و ڈیزاسٹر مینجمنٹ دے شعبیاں اچ تعاون ودھاوݨ تے اتفاق کیتا۔ ملاقات اچ ݙوہاں ملکاں وچال ݙوطرفہ تعلقات اتے باہمی تعاون تے ڳالھ مہاڑ تھئی۔ انہاں …
صومالی وزیر داخلہ دا دورہ پاکستان، وزیر داخلہ محسن نقوی نال ملاقات
اسلام آباد۔ 23 جنوری(اے پی پی)صومالیہ دے وزیر داخلہ علی یوسف پاکستان دے دورے تے ہین جتھاں انہاں اعلیٰ سطح وفد دے کٹھے وزارت داخلہ اچ وزیر داخلہ محسن نقوی نال ملاقات کیتی اتے انتہا پسندی دے خلاف مشترکہ حکمت عملی سودھا ٹریننگ، بارڈر و ڈیزاسٹر مینجمنٹ دے شعبیاں اچ تعاون ودھاوݨ تے اتفاق کیتا۔ ملاقات اچ ݙوہاں ملکاں وچال ݙوطرفہ تعلقات اتے باہمی تعاون تے ڳالھ مہاڑ تھئی۔ انہاں داخلی سلامتی، انسداد دہشتگردی اتے سکیورٹی تعاون ٻیا تکڑا کرݨ تے ڳالھ مہاڑ کیتی۔ ایں موقع تے وزرائے داخلہ مشترکہ مفادات دے شعبیاں اچ اشتراک ودھاوݨ کیتے رابطہ کاری بہتر کرݨ تے وی اتفاق کیتے۔ صومالیہ وزیر داخلہ علی یوسف آکھیا جو صومالیہ مشکل صورتحال اچ اے، دہشتگرداں دے خلاف لڑدا پئے، امید اے جو اے دورہ صومالیہ اتے پاکستان دے تعلقات ودھاوݨ اچ اہم ثابت تھیسی۔ وزیر داخلہ محسن نقوی انسداد دہشت گردی سودھا مختلف شعباں اچ صومالیہ کوں مکمل تعاون ݙیوݨ اتے علاج و تعلیم کیتے پاکستان آوݨ آلے صومالی شہریاں کوں ویزہ سہولت دا یقین ݙیوایا۔ صومالی وزیر داخلہ، وزیر اعظم محمد شہباز شریف کیتے وزیراعظم صومالیہ دا خصوصی سنیہا ݙتا اتے محسن نقوی کوں صومالیہ دے دورے دی باضابطہ دعوت ݙتی۔ وفد اچ شیخ نور محمد، حسن حمزہ عدن، عثمان عبداللہی، ادل عبدی، آسمہ ہاغی ہن ڄݙاں جو پاکستان ولوں وزیر مملکت داخلہ طلال چودھری، سیکرٹری داخلہ، ایڈیشنل سیکرٹری داخلہ، چیف کمشنر و آئی جی اسلام آباد، ڈی جی ایف آئی اے اتے ٻئے افسران وی موجود ہن۔
