اسلام آباد۔ 24 جنوری (اے پی پی) وفاقی وزیرِ داخلہ محسن نقوی پاکستان اچ امریکی سفیر نٹالی بیکر نال اہم ملاقات کیتی، جیندے اچ ݙوہیں پاسوں آپسی دلچسپی دے شعبیاں اچ تعاون ودھاوݨ تے پاک امریکہ تعلقات کوں مضبوط بݨاوݨ تے ڳالھ مہاڑ کیتی ڳئی۔ وزارتِ داخلہ دے مطابق ملاقات دے دوران آپسی تعاون ودھاوݨ خاص طور تے غیر قنونی امیگریشن کوں روکݨ تے پری امیگریشن کلیئرنس سسٹم کوں بہتر …
وفاقی وزیرِ داخلہ محسن نقوی دی امریکی سفیر نٹالی بیکر نال ملاقات، غیر قنونی امیگریشن روکݨ تے سکیورٹی تعاون کوں مضبوط بݨاوݨ بارے ڳالھ مہاڑ
اسلام آباد۔ 24 جنوری (اے پی پی) وفاقی وزیرِ داخلہ محسن نقوی پاکستان اچ امریکی سفیر نٹالی بیکر نال اہم ملاقات کیتی، جیندے اچ ݙوہیں پاسوں آپسی دلچسپی دے شعبیاں اچ تعاون ودھاوݨ تے پاک امریکہ تعلقات کوں مضبوط بݨاوݨ تے ڳالھ مہاڑ کیتی ڳئی۔ وزارتِ داخلہ دے مطابق ملاقات دے دوران آپسی تعاون ودھاوݨ خاص طور تے غیر قنونی امیگریشن کوں روکݨ تے پری امیگریشن کلیئرنس سسٹم کوں بہتر بݨاوݨ تے وی تفصیلی ڳالھ مہاڑ تھئی۔ ݙوہیں پاسوں قنون نافذ کرݨ آلے اداریاں بالخصوص پولیس کیتے ہر سطح تے تعاون ودھاوݨ تے وی اتفاق کیتا ڳیا۔اجلاس دے دوران ہک اہم فیصلہ کیتا ڳیا جو جعلی ویزا کماں اچ ملوث نیٹ ورکس دے خلاف جامع ایس او پیز دے تحت مشترکہ کارروائیاں شروع کیتیاں ونڄن۔ وفاقی وزیر محسن نقوی ایں ڳالھ کوں ولا دہرائے جو حکومت ایجنٹ مافیا تے غیر قنونی نقل مکانی آچ مدد ݙیوݨ آلیاں دے خلاف “زیرو ٹالرینس پالیسی” اپنائی اے۔ انھاں ایں سلسلے اچ امریکی مدد دا خیرمقدم کیتا۔ محسن نقوی آکھیے جو موثر حکومتی اقدامات دے نتیجے اچ غیر قنونی امیگریشن اچ 47 فیصد ڳھٹکی تھئی اے۔
