اسلام آباد۔ 23 جنوری (اے پی پی) صدرِ مملکت آصف علی زرداری آکھیے جو پاکستان دا مستقبل براہِ راست ایندی نینگر نسل نال جڑیا ہوئے، اعلیٰ تعلیم تئیں رسائی، مستحق طلباء دی مالی مدد تے ٹیکنالوجی تئیں بہتر رسائی جیہے اقدامات نینگراں کوں عملی معیشت اچ اپݨا کردار ادا کرݨ اچ مدد ݙیندے پئن۔ ایوانِ صدر دے میڈیا ونگ دے مطابق، صدرِ مملکت اے ڳالھیں عالمی یومِ تعلیم دے موقع …
اعلیٰ تعلیم تئیں رسائی، مستحق طلباء دی مدد تے ٹیکنالوجی تئیں بہتر رسائی سویں اقدامات نینگراں کوں عملی معیشت اچ آپݨا کردار ادا کرݨ اچ مدد ݙیندے پئن، صدر آصف علی زرداری دا عالمی یومِ تعلیم تے سنیھا
اسلام آباد۔ 23 جنوری (اے پی پی) صدرِ مملکت آصف علی زرداری آکھیے جو پاکستان دا مستقبل براہِ راست ایندی نینگر نسل نال جڑیا ہوئے، اعلیٰ تعلیم تئیں رسائی، مستحق طلباء دی مالی مدد تے ٹیکنالوجی تئیں بہتر رسائی جیہے اقدامات نینگراں کوں عملی معیشت اچ اپݨا کردار ادا کرݨ اچ مدد ݙیندے پئن۔ ایوانِ صدر دے میڈیا ونگ دے مطابق، صدرِ مملکت اے ڳالھیں عالمی یومِ تعلیم دے موقع تے آپݨے سنیھے اچ کیتے جیہڑا ہفتے دے ݙینہہ منایا ویندا پئے۔ انھاں عالمی یومِ تعلیم دے موقع تے پاکستان دے عوام، خاص طور تے طلبہ، اساتذہ، ماء پیؤ (والدین) تے تعلیم دے فروغ نال جڑے تمام لوکاں کوں دلی مبارکباد پیش کیتی۔ انھاں آکھیے جو ایں سال دا موضوع “تعلیم دی تخلیق اچ نینگراں دی طاقت” ایں ڳالھ تے زور ݙیندے جو نینگراں کوں صرف طالب علم نئی بلکہ مفکر، موجد تے ذمہ دار شہری دے طور تے منیا ونڄے جنھاں دے خیالات تعلیمی نظام تے جمہوری معاشریاں کوں مضبوط کریندے۔ صدرِ مملکت آکھیے جو پاکستان دی نینگر آبادی زیادہ اے، ایں کیتے اساکوں اے یقینی بݨاوݨا چاہیدے جو تعلیم نینگراں اچ تنقیدی سوچ، اخلاقی عمل تے معاشرے اچ مثبت کردار ادا کرݨ دی صلاحیت پیدا کرے۔ آئین دے آرٹیکل 25-اے دے تحت مفت تے لازمی تعلیم دی ضمانت اساݙے مشترکہ عزم دی عکاسی کریندی اے۔ انھاں آکھیے جو اعلیٰ تعلیم کوں بہتر بݨاوݨ، تحقیق تے ڈیجیٹل تعلیم اچ اضافے دی کوششاں جاری ہن۔ صدر آصف علی زرداری آکھیے جو عورتاں، مدرسیاں دے طلباء تے پسماندہ علاقیاں دے نینگراں تئیں تعلیمی موقع ودھاوݨ نال سماجی ہم آہنگی پیدا تھیسی تے ترقی دے ثمرات سب کوں ہکو جیہے ملسن۔ انھاں امید ظاہر کیتی جو سارے ادارے تعلیم کوں قومی ترجیح سمجھسن تانجو ہک ہنرمند تے روشن خیال پاکستان تعمیر تھی سڳے۔
