ملتان۔ 25 جنوری (اے پی پی) چیئرمین سینیٹ سید یوسف رضا گیلانی پاکستان اچ تعینات اٹلی دی سفیر مریلینا آرميلن دے اعزاز اچ عشائیہ ݙتے۔ عشائیے توں پہلے چیئرمین سینیٹ تے اطالوی وفد دے درمیان ملاقات تھئی جیندے اچ پاکستان تے اٹلی دے درمیان دوستانہ تعلقات، معاشی تعاون، سماجی رابطے تے تاریخی ورثے دے تحفظ تے تفصیلی ڳالھ مہاڑ کیتی ڳئی۔ ملاقات اچ اطالوی سفیر مریلینا آرميلن دے علاوہ ڈومینیکو …
ملتان دے تاریخی ورثے دی بحالی اچ اٹلی دا کردار قابلِ تحسین اے، سید یوسف رضا گیلانی
ملتان۔ 25 جنوری (اے پی پی) چیئرمین سینیٹ سید یوسف رضا گیلانی پاکستان اچ تعینات اٹلی دی سفیر مریلینا آرميلن دے اعزاز اچ عشائیہ ݙتے۔ عشائیے توں پہلے چیئرمین سینیٹ تے اطالوی وفد دے درمیان ملاقات تھئی جیندے اچ پاکستان تے اٹلی دے درمیان دوستانہ تعلقات، معاشی تعاون، سماجی رابطے تے تاریخی ورثے دے تحفظ تے تفصیلی ڳالھ مہاڑ کیتی ڳئی۔ ملاقات اچ اطالوی سفیر مریلینا آرميلن دے علاوہ ڈومینیکو پولونی تے آگسٹو پالمیری وی موجود ہن۔ ایں موقع تے سید یوسف رضا گیلانی ملتان دی تاریخی حیثیت دی بحالی کیتے اٹلی ولوں فراہم کیتی ڳئی مدد کوں سراہیندے ہوئیں آکھیے جو اٹلی دے تعاون نال ملتان دے مختلف تاریخی دروازاں دی بحالی ممکن تھئی اے، جیہڑے شہر دی قدیم تہذیب تے ثقافتی سنڄاݨ دا اہم حصہ ہن۔ انھاں آکھیے جو ملتان تے روم دے تاریخی رابطے ݙوہیں ملکاں دے تعلقات کوں ٻیا مضبوط بنیاد فراہم کریندے ۔ اطالوی سفیر مریلینا آرميلن ڳالھ مہاڑ دے دوران ݙسایا جو اٹلی پاکستان توں افرادی قوت حاصل کرݨ دا خواہاں اے، جیندے کیتے آوݨ آلے مرحلے اچ تقریباً 10 ہزار ویزے جاری کیتے ویسن۔ انھاں ٻیا ݙسایا جو ملتان اچ جلد ہک ویزا سینٹر قائم کیتا ویندا پئے، جتھاں ورکرز کوں این او سی دے اجرا تے ٻیاں ضروری سفری سہولیات ملسن، جیندے نال جنوبی پنجاب دے شہریاں کوں براہِ راست فیدہ تھیسی۔
