وزیراعظم شہباز شریف دا پنجگور اچ “فتنہ الہندوستان” دے دہشت گردں دے خلاف کارروائی تے سکیورٹی فورسز کوں خراجِ تحسین

اسلام آباد۔ 25 جنوری (اے پی پی) وزیراعظم محمد شہباز شریف بلوچستان دے علاقے پنجگور اچ “فتنہ الہندوستان” دے دہشت گرداں دے خلاف کارروائی تے سکیورٹی فورسز کوں خراجِ تحسین پیش کیتے۔ اتوار کوں وزیراعظم آفس ولوں جاری بیان دے مطابق، وزیراعظم آپریشن وچ فتنہ الہندوستان توں تعلق رکھݨ آلے 3 دہشت گرداں کوں مارݨ تے سکیورٹی فورسز دی تعریف کیتی۔ انھاں آکھیے جو “عزمِ استحکام” دے وژن دے تحت سکیورٹی فورسز دہشت گردی دے خلاف وݙیاں کامیابیاں حاصل کریندیاں پئن اتے پوری قوم آپݨی افواج دے نال کھڑی اے، اساں ملک توں دہشت گردی دے مکمل خاتمے کیتے پرعزم ہیسے۔