کوٹ مومن۔ 25 جنوری (اے پی پی) وفاقی وزیرِ اطلاعات عطاء اللہ تارڑ آکھیے جو حکومت وادی تیراہ توں لوکاں کوں کڈھݨ دے حوالے نال کوڑے تے بے بنیاد پروپیگنڈے دا سختی نال نوٹس گھدے، علاقے کوں خالی کراوݨ بارے خبراں حقیقت دے خلاف ہن۔ انھاں ݙسایا جو خیبر پختونخوا حکومت ولوں چار ارب روپے دے فنڈز انھاں لوکاں کیتے رکھے ڳئے ہن جیہڑے آپݨی مرضی نال (رضاکارانہ) نقل مکانی …
حکومت وادی تیراہ توں لوکاں دے انخلاء بارے کوڑے پروپیگنڈے دا سختی نال نوٹس گھدے، خیبر پختونخوا حکومت احتجاج دی سیاست دی بجائے عوامی مسئلیاں تے توجہ ݙیوے، عطاء اللہ تارڑ
کوٹ مومن۔ 25 جنوری (اے پی پی) وفاقی وزیرِ اطلاعات عطاء اللہ تارڑ آکھیے جو حکومت وادی تیراہ توں لوکاں کوں کڈھݨ دے حوالے نال کوڑے تے بے بنیاد پروپیگنڈے دا سختی نال نوٹس گھدے، علاقے کوں خالی کراوݨ بارے خبراں حقیقت دے خلاف ہن۔ انھاں ݙسایا جو خیبر پختونخوا حکومت ولوں چار ارب روپے دے فنڈز انھاں لوکاں کیتے رکھے ڳئے ہن جیہڑے آپݨی مرضی نال (رضاکارانہ) نقل مکانی کریندے پئن، اینکوں پاک فوج نال جوڑݨ بالکل غلط اے۔ وفاقی وزیر آکھیے جو ہر سال موسم دی سختی پاروں لوک نقل مکانی کریندن اتے ایں واری وی اے رقم انھاں دی سہولت کیتے رکھی ڳئی اے۔ انھاں خیبر پختونخوا حکومت کوں مشورہ ݙتا جو عوام احتجاج دی کالاں سݨ سݨ تے تھک ڳئن، ہݨ او امن، سہولتاں تے بہتر زندگی چاہندے ہن۔ انھاں آکھیے جو آئندہ انتخابات اچ فیصلہ احتجاج دی بنیاد تے نئی بلکہ عوامی خدمت دی بنیاد تے تھیسی۔
