صدرِ مملکت آصف علی زرداری اج توں متحدہ عرب امارات دا 4 روزہ دورہ کریسن، دفترِ خارجہ

اسلام آباد۔ 26 جنوری (اے پی پی) صدرِ مملکت آصف علی زرداری اج 26 توں 29 جنوری 2026 تئیں متحدہ عرب امارات (یو اے ای) دا سرکاری دورہ کریسن، دورے اچ انھاں دے نال ہک اعلیٰ سطح دا وفد وی تھیسی۔ سنوار دے ݙینہہ وزارتِ خارجہ توں جاری بیان دے مطابق یو اے ای دے دورے دے دوران صدرِ مملکت متحدہ عرب امارات دی قیادت نال اعلیٰ سطح دی ملاقاتاں کریسن جنھاں اچ ݙوپاسہ تعلقات بالخصوص تجارت تے اقتصادی شراکت داری، دفاع تے سلامتی، تے عوامی رابطیاں دے شعبیاں اچ تعاون تے ڳالھ مہاڑ تھیسی۔ ایندے علاوہ علاقائی تے بین الاقوامی معاملیاں تے وی ڳالھ کیتی ویسی۔ صدرِ پاکستان دا اے دورہ حال اچ متحدہ عرب امارات دے صدر دے دورہِ پاکستان دے بعد تھیندا پئے، جیہڑا ݙوہیں برادر ملکاں دے درمیان گہرے رشتیاں دی عکاسی کریندے۔