اسلام آباد۔ 26 جنوری (اے پی پی) صدرِ مملکت آصف علی زرداری آسٹریلیا دے قومی ݙینہہ تے آسٹریلیا دے گورنر جنرل تے عوام کوں مبارکباد پیش کریندیں ہوئیں آکھیے جو پاکستان آسٹریلیا دے نال دوستانہ تے تعمیری تعلقات کوں قدر دی نگاہ نال ݙیکھدے۔ سنوار دے ݙینہہ ایوانِ صدر دے پریس ونگ توں جاری بیان اچ صدرِ مملکت آصف علی زرداری آکھیے جو پاکستان اتے آسٹریلیا دی شراکت داری آپسی …
پاکستان آسٹریلیا دے نال دوستانہ تے تعمیری تعلقات کوں قدر دی نگاہ نال ݙیکھدے، صدرِ مملکت آصف علی زرداری
اسلام آباد۔ 26 جنوری (اے پی پی) صدرِ مملکت آصف علی زرداری آسٹریلیا دے قومی ݙینہہ تے آسٹریلیا دے گورنر جنرل تے عوام کوں مبارکباد پیش کریندیں ہوئیں آکھیے جو پاکستان آسٹریلیا دے نال دوستانہ تے تعمیری تعلقات کوں قدر دی نگاہ نال ݙیکھدے۔ سنوار دے ݙینہہ ایوانِ صدر دے پریس ونگ توں جاری بیان اچ صدرِ مملکت آصف علی زرداری آکھیے جو پاکستان اتے آسٹریلیا دی شراکت داری آپسی احترام تے سانجھی جمہوری قدراں تے مبنی اے۔ انھاں آکھیے جو تجارت، سرمایہ کاری تے تعلیم دے شعبیاں اچ تعاون مزید ودھسی ۔ صدرِ مملکت آکھیے جو پاکستان آسٹریلیا دے نال امن تے مشترکہ خوشحالی کیتے قریبی تعاون کیتے پرعزم اے، موسمیاتی تبدیلی دے خلاف مزاحمت تے جدت اچ پاکستان تے آسٹریلیا دے تعاون دے نویں موقع موجود ہن۔ انھاں آکھیے جو اعلیٰ سطح دے رابطیاں نال آپسی سمجھ بوجھ ٻئی تگڑی تھیسی۔ صدرِ مملکت آصف علی زرداری علاقائی اتے عالمی معاملیاں اچ پاکستان تے آسٹریلیا دا تعاون جاری رکھݨ دے عزم دا اعادہ کیتا۔
