اسلام آباد۔ 27 جنوری (اے پی پی) ترجمان قومی اسمبلی آکھیے جو سرکاری خرچ تے پارلیمانی وفد دے عمرے یا حج تے ونڄݨ دے حوالے نال شائع تھیوݨ آلی خبراں اچ کوئی صداقت کائنی ۔ قومی اسمبلی دے ارکان کوں حج یا عمرے دی کوئی سہولت حاصل کائنی اتے نہ ای اے سہولت ݙتی ونڄ سڳدی اے۔ منگل دے ݙینہہ ترجمان قومی اسمبلی ہک وضاحتی بیان اچ آکھیے جو قومی …
سرکاری خرچ تے پارلیمانی وفد دے عمرے یا حج تے ونڄݨ بارے شائع تھیوݨ آلی خبراں اچ کوئی سچائی کائنی، ترجمان قومی اسمبلی
اسلام آباد۔ 27 جنوری (اے پی پی) ترجمان قومی اسمبلی آکھیے جو سرکاری خرچ تے پارلیمانی وفد دے عمرے یا حج تے ونڄݨ دے حوالے نال شائع تھیوݨ آلی خبراں اچ کوئی صداقت کائنی ۔ قومی اسمبلی دے ارکان کوں حج یا عمرے دی کوئی سہولت حاصل کائنی اتے نہ ای اے سہولت ݙتی ونڄ سڳدی اے۔ منگل دے ݙینہہ ترجمان قومی اسمبلی ہک وضاحتی بیان اچ آکھیے جو قومی اسمبلی اچ نومبر 2016 اچ منظور تھیوݨ آلی قرارداد دے تحت ہر سال قومی اسمبلی دے ممبران دا ہک وفد ذاتی خرچ تے 12 ربیع الاول کوں روزہِ رسول ﷺ تے حاضری ݙیندے ۔ قرارداد دی روشنی اچ وفد دے سارے ممبر آپݨے اخراجات خود برداشت کریندن، ایس او پیز دے تحت وزارتِ مذہبی امور صرف انتظامی معاملیاں کیتے سہولت فراہم کریندی اے جیندے تحت وزارت وی کوئی اخراجات برداشت نئی کریندی۔ سرکاری خرچ تے کہیں وی ایجھے دورے دی تجویز کہیں رکن دی ذاتی رائے تھی سڳدی اے پر کہیں ایجھی تجویز دی منظوری نئی ݙتی ڳئی۔
