لاہور۔ 19 فروری(اے پی پی) پی سی بی دے چیئرمین و وزیر داخلہ محسن نقوی نال لاہور اچ قومی ہاکی ٹیم دے کھلاڑی ملین اتے انھاں کوں پرو ہاکی لیگ اچ پیش آوݨ والے ناخوشگوار واقعات دا ݙسایا۔ کھلاڑیاں انتظامی مسائل اتے ناروا سلوک بارے تفصیلی ڳالھ مہاڑ کیتی۔ محسن نقوی ہاکی دے کھلاڑیاں نال تھیوݨ والے سلوک تے افسوس کریندے یقین ݙیوایا جو انھاں کوں ہر ممکن سہولت ݙتی …
پی سی بی چیئرمین نال قومی ہاکی ٹیم دے کھلاڑیاں دی ملاقات
لاہور۔ 19 فروری(اے پی پی) پی سی بی دے چیئرمین و وزیر داخلہ محسن نقوی نال لاہور اچ قومی ہاکی ٹیم دے کھلاڑی ملین اتے انھاں کوں پرو ہاکی لیگ اچ پیش آوݨ والے ناخوشگوار واقعات دا ݙسایا۔ کھلاڑیاں انتظامی مسائل اتے ناروا سلوک بارے تفصیلی ڳالھ مہاڑ کیتی۔ محسن نقوی ہاکی دے کھلاڑیاں نال تھیوݨ والے سلوک تے افسوس کریندے یقین ݙیوایا جو انھاں کوں ہر ممکن سہولت ݙتی ویسی۔ انھاں آکھیا جو کھلاڑی صرف اپݨے کھیݙ تے توجہ ڈیون، باقی سارے کم بورڈ سنٻھلیسی۔ چیئرمین مصر اچ تھیوݨ والے عالمی کپ کوالیفائر مقابلیاں کیتے کھلاڑیاں دیاں ٹکٹاں، کٹس اتے ہوٹل دے فوری انتظام دی ہدایت کیتی۔ انھاں حکم ݙتا جو ہاکی کھلاڑیاں دا تربیتی کیمپ کل توں شروع کیتا ونڄے اتے زخمی کھلاڑیاں دے علاج دے خرچے وی بورڈ بھریسی۔ ایں موقع تے انھاں چھی قومی ہاکی ٹورنامنٹ اچ رنر اپ آوݨ تے ݙاہ ݙاہ لکھ روپے دے چیک وی کھلاڑیاں کوں ݙتن۔
