بنوں اچ فتنہ الخوارج دا سکیورٹی فورسز دے قافلے تے حملہ اے، لیفٹیننٹ کرنل شہزادہ گل فراز تے سپاہی کرامت شاہ شہید، 5 خوارج جہنم واصل تھی ڳئن، آئی ایس پی آر

اسلام آباد۔ 21 فروری (اے پی پی) پاک فوج دے شعبہ تعلقات عامہ (آئی ایس پی آر) آکھیا اے جو 21 فروری کوں ہک خودکش بمبار سمیت ٻئے خوارج دی موجودگی دی اطلاع تے انٹیلی جنس دی بنیاد تے آپریشن دے دوران ہک بزدلانہ حملے اچ بھارتی پراکسی فتنہ الخوارج ضلع بنوں اچ سکیورٹی فورسز دے قافلے کوں نشانہ بݨائے۔ آئی ایس پی آر دے مطابق بنوں شہر اچ معصوم شہریاں اتے اہلکاراں کوں بچاوݨ کیتے لیڈنگ گروپ ہک گاݙی اچ سوار خودکش بمبار کوں روکیا اتے وݙے نقصان توں بچا گھدا۔ شدید فائرنگ دے تبادلے اچ سکیورٹی فورسز پنڄ خوارج کوں جہنم واصل کر ݙتا، لیکن مایوسی اچ خوارج بارود نال بھری گاݙی سکیورٹی فورسز دی گاݙی نال ٹکرا ݙتی۔ جیندے نتیجے اچ بہادر کمانڈنگ آفیسر لیفٹیننٹ کرنل شہزادہ گل فراز (عمر 43 سال، ساکن مانسہرہ) تے سپاہی کرامت شاہ (عمر 28 سال، ساکن پشاور) شہادت قبول کیتی اے۔ آئی ایس پی آر آکھیا جو خوارج افغان سرزمین کوں استعمال کریندے پئن اتے افغان طالبان حکومت انھاں کوں روکݨ اچ ناکام رہی اے۔ پاکستان ایں بزدلانہ فعل دے مرتکب لوکاں دے خلاف کوئی رعایت نہ ورتیسی اتے عزمِ استحکام دے تحت دہشت گردی دے خاتمے تئیں کارروائیاں جاری رہسن۔