صدرِ مملکت ولوں 8 فروری کوں افغانستان دی موجودہ صورتحال تے ݙتی ڳئی تنبیہ انتہائی اہمیت رکھیندی اے، صدرِ مملکت دے ترجمان مرتضیٰ سولنگی

اسلام آباد۔ 22 فروری (اے پی پی) صدرِ مملکت دے ترجمان مرتضیٰ سولنگی آکھیا جو 8 فروری کوں صدرِ مملکت ولوں افغانستان دی موجودہ صورتحال تے ݙتی ڳئی تنبیہ انتہائی اہمیت رکھیندی اے۔ اتوار کوں سماجی رابطے دی ویب سائٹ ایکس تے ہک پوسٹ اچ ترجمان آکھیا جو صدرِ مملکت آپݨے خطاب اچ واضح کیتا ہئی جو پاکستان افغانستان اچ پیدا تھیوݨ آلی صورتحال تے سخت تشویش رکھیندے ۔ انھاں آکھیا ہئی جو طالبان رجیم دے دور اچ حالات نائن الیون توں پہلے آلی صورتحال وانڳوں یا این توں وی ودھ سنگین تھی ڳئن، جڈاں دہشت گرد تنظیماں عالمی امن کیتے خطرہ بݨی ہوئن اتے آخر کار 9/11 جیہڑا وݙا واقعہ تھی ڳیا ہئی ۔ صدرِ مملکت آکھیا جو پاکستان دا مشرقی ہمسایہ طالبان رجیم دی مدد کریندا پئے جیندے اثرات نہ صرف پاکستان بلکہ پورے خطے تے عالمی امن تے وی پوندے پئن۔