لاہور۔ 23 فروری (اے پی پی) وزیراعلیٰ مریم نواز میت کوں ہسپتال توں گھر پڄاوݨ کیتے ایمبولینس سروس شروع کرݨ دی منظوری ݙے ݙتی اے۔ وزیراعلیٰ پنجاب مریم نواز دی زیرِ صدارت خصوصی اجلاس منعقد تھئے جیندے وچ سرکاری ہسپتالاں توں میت دی گھر تئیں فری منتقلی دا جائزہ ڳھدا ڳئے۔ وزیراعلیٰ وݙے سرکاری ہسپتالاں تے ہر تحصیل وچ سرکاری وہیکل سروس شروع کرݨ کیتے پلان منڳ ڳھدا۔ ایں موقع …
وزیراعلیٰ مریم نواز میت کوں ہسپتال توں گھر پڄاوݨ کیتے ایمبولینس سروس شروع کرݨ دی منظوری ݙے ݙتی
لاہور۔ 23 فروری (اے پی پی) وزیراعلیٰ مریم نواز میت کوں ہسپتال توں گھر پڄاوݨ کیتے ایمبولینس سروس شروع کرݨ دی منظوری ݙے ݙتی اے۔ وزیراعلیٰ پنجاب مریم نواز دی زیرِ صدارت خصوصی اجلاس منعقد تھئے جیندے وچ سرکاری ہسپتالاں توں میت دی گھر تئیں فری منتقلی دا جائزہ ڳھدا ڳئے۔ وزیراعلیٰ وݙے سرکاری ہسپتالاں تے ہر تحصیل وچ سرکاری وہیکل سروس شروع کرݨ کیتے پلان منڳ ڳھدا۔ ایں موقع تے پرائیویٹ ایمبولینس سروس کوں وی ریگولائز کرݨ تے اتفاق کیتا ڳئے ۔اجلاس وچ پرائیویٹ ایمبولینس سروسز دے ریٹ وی مقرر کرݨ دی تجویز دا جائزہ ڳھدا ڳئے ۔ سیکرٹری ایمرجنسی سروسز ڈاکٹر رضوان نصیر بریفنگ وچ ݙسایا جو پنجاب دی ہر تحصیل وچ ہسپتال توں گھر میت گھن ونڄݨ کیتے گھٹ توں گھٹ ہک وین میسر ہوسی ۔ مرحوم دے اہلِ خانہ 1122 تے کال کرتے یا ہسپتال کاؤنٹر توں مفت وین سروس گھن سڳسن ۔ بریفنگ وچ مزید ݙسایا ڳیا جو میت منتقلی سروس دی سمارٹ مینجمنٹ سسٹم دے ذریعے مانیٹرنگ کیتی ویسی۔ میت کوں ہسپتال توں ݙوجھے شہر گھن ونڄݨ دی سہولت وی مفت ݙتی ویسی۔
