اسلام آباد۔ 23 فروری(اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو پاکستان دی مسلح افواج اتے قانون نافذ کرݨ والے ادارے ملک دے دفاع کیتے پرعزم ہن، اپݨے دفاع اتے شہریاں دے تحفظ کیتے ہر ضروری قدم چاوݨ دا حق رکھدے ہیں، دہشت گردی دے خلاف فیصلہ کن کارروائیاں جاری رہسن۔ ایوانِ بالا اچ افغانستان دی صورتحال اتے حالیہ دہشت گرد حملیاں بارے الیندے انھاں …
مسلح افواج اتے سیکیورٹی فورسز ملک دے دفاع کیتے پرعزم ہین، ڈاکٹر طارق فضل چوہدری
اسلام آباد۔ 23 فروری(اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو پاکستان دی مسلح افواج اتے قانون نافذ کرݨ والے ادارے ملک دے دفاع کیتے پرعزم ہن، اپݨے دفاع اتے شہریاں دے تحفظ کیتے ہر ضروری قدم چاوݨ دا حق رکھدے ہیں، دہشت گردی دے خلاف فیصلہ کن کارروائیاں جاری رہسن۔ ایوانِ بالا اچ افغانستان دی صورتحال اتے حالیہ دہشت گرد حملیاں بارے الیندے انھاں بنوں اتے باجوڑ اچ تھیوݨ والے خودکش حملیاں دا ݙسائے اتے آکھیے جو انہاں حملیاں دے تاݨے افغانستان نال ملدن اتے کڄھ حملہ آوراں دا تعلق افغان سرزمین نال ݙسایا ڳئے۔ انھاں ایوان کوں ڈسایا جو 21 فروری کوں افغانستان دے صوبیاں ننگرہار، پکتیا اتے خوست اچ انٹیلی جنس بنیاداں تے کارروائیاں کیتیاں گئن جیندے اچ دہشت گرد نیٹ ورک دے اہم بندیاں کوں نشانہ ٻݨایا ڳئے۔ وفاقی وزیر اے تاثر مسترد کر ݙتے جو انھاں حملیاں اچ لوکاں دے گھراں، مسیتاں یا مدرسیاں کوں نشانہ ٻݨایا ڳئے۔ انھاں آکھیا جو حکومت افغانستان نال اڄ وی امن چاہندی اے ٻھل ڄیکر پاکستان دے خلاف کارروائیاں جاری رہیاں تاں ملک اپݨے دفاع اچ اینڄھے اقدامات کریندا رہسی۔
