اُڑان پاکستان دراصل ای-پاکستان وژن دا ہک اہم حصہ اے، وفاقی وزیر آئی ٹی شزا فاطمہ

اسلام آباد۔ 25 فروری (اے پی پی) وفاقی وزیر آئی ٹی و ٹیلی کمیونیکیشن شزا فاطمہ خواجہ آکھیے جو اُڑان پاکستان دراصل ای-پاکستان وژن دا ہک اہم حصہ اے، جیندے ذریعے ملک کوں مکمل طور تے ڈیجیٹل معیشت دے پاسے منتقل کیتا ویندا پئے پاکستان فورم 2026 دے موقع تے میڈیا نال ڳالھ کریندے انھاں آکھیے جو کیش لیس اکانومی وزیر اعظم شہباز شریف دا بنیادی وژن اے تے حکومت تکھے ڈیجیٹل پاکستان دی منزل دے پاسے گامزن اے۔ انھاں دا آکھݨ ہئی اے جو گزریل سال کیش لیس رمضان بازار دا کامیاب افتتاح کیتا ڳیا ہئی جیڑھا ڈیجیٹل ادائیگیاں دے ودھارے دے پاسے اہم قدم ہئی اے۔ شزا فاطمہ خواجہ آکھیا جو جدید ٹیکنالوجی انسانی زندگی وچ بے پناہ آسانیاں پیدا کر ݙتن تے موجودہ دور وچ ٹیکنالوجی دے بغیر ترقی دا تصور ممکن کائنی ۔ انھاں ݙسایا جو وزیراعظم 10 لکھ ٻالاں کوں جدید ٹیکنالوجی نال لیس کرݨ دا عزم کیتے جݙاں جو آئی ٹی سیکٹر وچ ہک ارب ڈالر دی سرمایہ کاری دا وی اعلان کیتا ڳئے ۔ وفاقی وزیر آکھیے جو پورے ملک دے سکولاں، کالجاں تے یونیورسٹیاں وچ آرٹیفیشل انٹیلیجنس دیاں کلاساں دا باقاعدہ آغاز کر ݙتا ڳئے تاں جو نوجوان نسل کوں جدید تقاضیں موجب بݨایا ونڄ سڳے