اسلام آباد۔ 25 فروری(اے پی پی) وزیر اعظم محمد شہباز شریف اتحادی جماعتاں وچال ہم آہنگی اتے مشاورت کوں قومی استحکام اتے پالیسیاں دے تسلسل کیتے ضروری قرار ݙیندے آکھیے جو مخلوط حکومت اچ شامل جماعتاں دے باہمی تعاون نال قومی ترقی دا سفر ٻیا تیکھا تھی سگدے، وفاقی حکومت سندھ اچ جاری ترقیاتی منصوبیاں کوں تکھے مکمل کرݨ کیتے ہر ممکن ہتھ ونݙیسی۔ انھاں اے ڳآلھ وزیراعلیٰ سندھ سید …
وزیر اعظم محمد شہباز شریف نال وزیر اعلیٰ سندھ سید مراد علی شاہ دی ملاقات
اسلام آباد۔ 25 فروری(اے پی پی) وزیر اعظم محمد شہباز شریف اتحادی جماعتاں وچال ہم آہنگی اتے مشاورت کوں قومی استحکام اتے پالیسیاں دے تسلسل کیتے ضروری قرار ݙیندے آکھیے جو مخلوط حکومت اچ شامل جماعتاں دے باہمی تعاون نال قومی ترقی دا سفر ٻیا تیکھا تھی سگدے، وفاقی حکومت سندھ اچ جاری ترقیاتی منصوبیاں کوں تکھے مکمل کرݨ کیتے ہر ممکن ہتھ ونݙیسی۔ انھاں اے ڳآلھ وزیراعلیٰ سندھ سید مراد علی شاہ نال الیندے آکھی ڄئیں اسلام آباد اچ انھاں نال ملاقات کیتی۔ وزیراعظم آفس دے میڈیا ونگ دے جاری بیان دے مطابق ملاقات اچ وزیراعلیٰ سندھ صوبے اچ جاری ترقیاتی منصوبیاں اچ پیشرفت دے حوالے نال وزیراعظم کوں تفصیلی بریفنگ ݙتی۔ وزیراعظم آکھیے جو وفاقی حکومت سندھ اچ جاری ترقیاتی منصوبیاں کوں تکھے مکمل کرݨ کیتے ہر ممکن تعاون ݙیسی۔ انھاں متعلقہ وزارتاں کوں ہدایت کیتی جو او صوبائی حکومت نال قریبی رابطہ رکھن تاں جو عوامی فلاح دے منصوبیاں کوں تیکھس کیتا ونڄ سسڳے۔ وزیراعظم آکھیے جو پیپلز پارٹی وفاق دی اہم اتحادی جماعت اے اتے مخلوط حکومت اچ شامل جماعتاں دے باہمی تعاون نال قومی ترقی دا سفر مزید تکھا تھی سڳدے۔ وزیر اعظم مخلوط حکومت دے ہک اہم اتحادی دے طور تے سندھ دی قیادت دے کردار کوں سراہندے آکھیے جو وفاق اتے صوبیاں وچال مضبوط رابطیاں نال جمہوری نظام کوں طاقت ملسی اتے عوام دے مسائل دے حل اچ مدد ملسی۔ ملاقات اچ سندھ دے سیاسی امور اتے باہمی دلچسپی دے ٻئے معاملیاں تے وی ڳالھ تھئی۔ ملاقات اچ نائب وزیراعظم و وزیر خارجہ اسحاق ڈار، وفاقی وزراء اعظم نذیر تارڑ، احسن اقبال تے وزیراعظم دے مشیر رانا ثناء اللہ وی موجود ہن۔
