پاکستان گورننس فورم دا قیام شفافیت کوں یقینی بݨاوݨ کیتے سنگِ میل ثابت تھیسی ، جوابدہی دے عمل کیتے بہتر گورننس بہوں اہمیت رکھیندی اے، سپیکر قومی اسمبلی سردار ایاز صادق دا خطاب

اسلام آباد۔ 26 فروری (اے پی پی) سپیکر قومی اسمبلی سردار ایاز صادق آکھیا جو پاکستان گورننس فورم دا قیام شفافیت کوں یقینی بݨاوݨ کیتے سنگِ میل ثابت تھیسی ، جوابدہی دے عمل کیتے بہتر گورننس بہوں زیادہ اہمیت رکھیندی اے، گورننس دا آغاز ہمیشاں گھر توں تھیندے ایں کیتے قومی اسمبلی سیکرٹریٹ اچ سنیارٹی، فٹنس تے ٹیسٹ دے نظام کوں بہتر بݨایا ڳئے ۔ اے ڳالھیں انھاں خمیس کوں اتھاں وزارتِ منصوبہ بندی تے ترقی دے زیرِ اہتمام “پاکستان گورننس فورم” توں خطاب کریندیں ہوئیں کیتے ۔ انھاں آکھیا اے جو جدید آئی ٹی دے بدلدے ہوئے دور اچ گورننس کوں بہتر بݨاوݨ تے شفافیت کیتے “پاکستان گورننس فورم” دا قیام بہوں اہمیت رکھیندے ، کہیں وی ملک دی ترقی کیتے سیاسی استحکام تے سانجھے کوششاں دی لوڑھ ہوندی  اے، ایں کیتے اے ادارہ پاکستان دی ترقی تے خوشحالی کیتے سنگِ میل ثابت تھیسی اے۔ انھاں آکھیا اے جو شفافیت کوں یقینی بݨاوݨ کیتے جوابدہی دا عمل بہوں ضروری اے، اساں قومی اسمبلی سیکرٹریٹ اچ بہتر گورننس کیتے بہوں ساری اصلاحات کیتین کیوں جو گورننس دا آغاز ہمیشاں گھر توں تھیندے ، اساں شفافیت کیتے سنیارٹی، فٹنس تے ٹیسٹ کوں بنیادی حیثیت ݙتی اے، پارلیمنٹ جمہوری نظام اچ بنیادی حیثیت رکھیندی اے، پارلیمنٹ دی پبلک اکاؤنٹس کمیٹی احتساب دا ساریاں توں اہم فورم اے۔ سردار ایاز صادق آکھیا اے جو قومی اسمبلی دی فنانس کمیٹی اچ حکومت تے اپوزیشن دے ممبراں دی نمائندگی ہوندی اے، ایں کمیٹی کوں طاقتور بݨاوݨ تے فیصلہ سازی کوں ادارہ جاتی حیثیت ڈیوݨ کیتے سپیکر دے اختیارات منتقل کیتے گئے ہن ۔ بعد اچ میڈیا نال ڳالھ مہاڑ کریندیں ہوئیں سردار ایاز صادق آکھیا جو گورننس دے بارے اچ قانون سازی تھیندی پئی اے، شفافیت تے گورننس کیتے ساریاں کوں رل تے کم کرݨا پوسی، پاکستان گورننس فورم بہتر گورننس کیتے سنگِ میل ثابت تھیسی۔