اسلام آباد۔ 26 فروری (اے پی پی) وزیراعظم محمد شہباز شریف فتنہ الخوارج دے خلاف آپریشن دے دوران سکیورٹی فورسز دی قیادت کریندیں ہوئیں شہادت دا جام پیوݨ آلے لیفٹیننٹ کرنل شہزادہ گل فراز شہید دے گھر مانسہرہ ڳئے اتے انھاں دے اہلخانہ نال تعزیت دا اظہار کیتے۔ خمیس کوں پی ایم آفس دے میڈیا ونگ توں جاری بیان دے مطابق وزیراعظم محمد شہباز شریف ایں موقع تے لیفٹیننٹ کرنل …
وزیراعظم محمد شہباز شریف دی فتنہ الخوارج دے خلاف آپریشن دے دوران شہادت دا جام پیوݨ آلے لیفٹیننٹ کرنل شہزادہ گل فراز شہید دے گھر آمد، اہلخانہ نال تعزیت دا کیتی
اسلام آباد۔ 26 فروری (اے پی پی) وزیراعظم محمد شہباز شریف فتنہ الخوارج دے خلاف آپریشن دے دوران سکیورٹی فورسز دی قیادت کریندیں ہوئیں شہادت دا جام پیوݨ آلے لیفٹیننٹ کرنل شہزادہ گل فراز شہید دے گھر مانسہرہ ڳئے اتے انھاں دے اہلخانہ نال تعزیت دا اظہار کیتے۔ خمیس کوں پی ایم آفس دے میڈیا ونگ توں جاری بیان دے مطابق وزیراعظم محمد شہباز شریف ایں موقع تے لیفٹیننٹ کرنل شہزادہ گل فراز شہید دی والدہ، اہلیہ تے ٻالاں سودھے لواحقین نال ملاقات کیتی ۔ وزیراعظم محمد شہباز شریف لیفٹیننٹ کرنل شہزادہ گل فراز شہید دی قبر تے حاضری ݙتی اتے فاتحہ خوانی وی کیتی ۔ وزیراعظم محمد شہباز شریف لیفٹیننٹ کرنل شہزادہ گل فراز شہید دے درجات دی بلندی تے انھاں دے گھر آلیاں کیتے صبرِ جمیل دی دعا کیتی ۔ وزیراعظم محمد شہباز شریف آکھیا اے جو لیفٹیننٹ کرنل شہزادہ گل فراز شہید وطنِ عزیز دی حفاظت کیتے شہادت دا جام پیتے، انھاں ہمت تے بہادری دی اعلیٰ مثال قائم کیتی اے، مئیں سودھے پوری قوم کوں آپݨے شہداء تے انھاں دے اہلخانہ تے فخر اے۔ انھاں آکھیا اے جو پاکستانی قوم آپݨے شہداء تے انھاں دے گھر آلیاں دی قربانیاں کوں کݙاہیں نئی بھل سگدی، شہید دے اہلخانہ دا حکومت تے پاک فوج مکمل خیال رکھیسی ۔ ایں موقع تے وزیراعظم محمد شہباز شریف مانسہرہ اچ لیفٹیننٹ کرنل شہزادہ گل فراز شہید دے ناں نال دانش سکول بݨاوݨ دا اعلان وی کیتے۔ وفاقی وزراء عطا اللہ تارڑ، انجینئر امیر مقام، سردار محمد یوسف، وزیراعظم دے مشیر رانا ثناء اللہ، کیپٹن (ر) محمد صفدر، مرتضیٰ جاوید عباسی تے شاہ جی گل آفریدی وی وزیراعظم محمد شہباز شریف دے نال ہن۔
