2035ء تئیں پاکستان کوں 1 ٹریلین ڈالر دی مضبوط اتے خودمختار معیشت اچ بدلݨ دا واضح انتخاب موجود اے، احسن اقبال

اسلام آباد۔ 26 فروری(اے پی پی) وفاقی وزیر برائے منصوبہ بندی، ترقی و اصلاحات و خصوصی اقدامات پروفیسر احسن اقبال آکھیے جو روایتی اندازِ کار ہݨ قابلِ قبول نئیں ریہا، 2035ء تئیں پاکستان کولو ہک واضح انتخاب موجود اے، یا تاں اساں 600 ارب ڈالر دی معیشت تئیں محدود رہوں یا ملک کوں 1 ٹریلین ڈالر دی مضبوط اتے خودمختار معیشت اچ بدل ݙیووں۔ انھاں اے ڳالھ پاکستان گورننس فورم 2026 دے آخری سیشن نال خطاب اچ آکھی۔ انہاں آکھیا جو پاکستان دی معاشی خودمختاری دا دارومدار برآمدات دے ودھارے تے اے، ڄیکر انفرادی صلاحیتاں کوں اجتماعی فضیلت اچ ڈھال ݙتا ونڄے تاں 100 ارب ڈالر دی برآمدات دا ہدف پاوݨ ممکن اے، جیہڑا قومی مستقبل کوں نویں سمت ݙیسی، حکومت دے “فائیو ایز” ایجنڈا دے تحت برآمدات کوں معیشت دی “لائف لائن” قرار ݙتا ڳئے۔ انھاں انسانی سرمائے اچ سرمایہ کاری کوں قومی ترقی دی بنیاد قرار ݙیندے آکھیے جو روایتی اندازِ حکمرانی دا دور ختم تھی چکیے، ہݨ اینڄھی حکمرانی دی لوڑھ اے جیہڑی نتیجے ݙیوے اتے پاکستان کوں عالمی معیشت اچ باوقار مقام ݙیواوے۔