اسلام آباد۔ 26 فروری(اے پی پی)پاکستان سمجھوتہ ایکسپریس دہشت گرد حملے دے ذمہ داراں کوں بری کرݨ دی شدید مذمت کریندے مطالبہ کیتے جو واقعے اچ ملوث عناصر کوں انصاف دے کٹہرے اچ ڳھن آیا ونڄے۔ سمجھوتہ ایکسپریس دہشت گرد حملے دے 19 ویں سال بارے میڈیا دے سوال دے ولدے اچ دفترِ خارجہ دے ترجمان طاہر اندرابی آکھیے جو 18 فروری 2007 کوں بھارت دی سرزمین تے لاہور آوݨ …
پاکستان دی سمجھوتہ ایکسپریس دہشت گرد حملے دے ذمہ داراں کوں بری کرݨ دی شدید مذمت
اسلام آباد۔ 26 فروری(اے پی پی)پاکستان سمجھوتہ ایکسپریس دہشت گرد حملے دے ذمہ داراں کوں بری کرݨ دی شدید مذمت کریندے مطالبہ کیتے جو واقعے اچ ملوث عناصر کوں انصاف دے کٹہرے اچ ڳھن آیا ونڄے۔ سمجھوتہ ایکسپریس دہشت گرد حملے دے 19 ویں سال بارے میڈیا دے سوال دے ولدے اچ دفترِ خارجہ دے ترجمان طاہر اندرابی آکھیے جو 18 فروری 2007 کوں بھارت دی سرزمین تے لاہور آوݨ والی سمجھوتہ ایکسپریس ٹرین تے تھیوݨ والے ہولناک دہشت گرد حملے کوں 19 سال پورے تھی گئن، ایں حملے اچ 68 بے گناہ مسافر جاں بحق تھئے ہن جیندے اچ 44 پاکستانی شہری وی شامل ہن۔ انھاں آکھیے جو اساں بھارتی حکومت ولوں پاکستانی شہریاں دے خانداناں دی حالتِ زار دے حوالے نال بے حسی اتے لاپرواہی تے ݙاݙھے مایوس ہیں، جیہڑے 19 سال بعد وی انصاف دے تانڳھی ہین، اے رویہ ݙسیندے جو بھارت اپݨی سرزمین تے بے گناہ شہریاں دے خلاف کیتے گئے ایں گھناؤنے دہشت گرد حملے اچ سرکاری تے سیاسی سطح تے مددگار اتے شریک رہے۔ انھاں آکھیے جو پاکستان چارے ملزمان سوامی اسیمانند، لیفٹیننٹ کرنل پروہت اتے سادھوی پراگیا سنگھ ٹھاکر کوں شرمناک طریقے نال بری اتے بے گناہ قرار ڈیوݨ دی شدید مذمت کریندے، ساݙا مطالبہ اے جو مقدمے دا منصفانہ ٹرائل کیتا ونڄے اتے حملے دے ذمہ داراں کوں انصاف دے کٹہرے اچ ڳھن آیا ونڄے۔
