مادرِ وطن دے دفاع تے کوئی سمجھوتہ نہ کیتا ویسی، ہر جارحیت دا منہ ٻھن جواب ݙتا ویسی، وزیر اعظم شہباز شریف

اسلام آباد۔ 27 فروری (اے پی پی) وزیر اعظم محمد شہباز شریف آکھیا جومادرِ وطن دے دفاع تے کوئی سمجھوتہ نہ کیتا ویسی، ہر جارحیت دا منہ ٻھن جواب ݙتا ویسی، پاکستان دی عوام تے مسلح افواج ملک دی سلامتی، خودمختاری تے علاقائی سالمیت دے تحفظ کیتے ہر ویلھے تیار ہن۔ وزیر اعظم آفس دے میڈیا ونگ توں جمعہ کوں جاری بیان دے مطابق وزیر اعظم آکھیا جو افواجِ پاکستان دا عزم اے جو کہیں وی صورت ملک دے امن تے تحفظ تے آنچ نہ آوݨ ݙیسوں، اساݙی مسلح افواج کہیں وی جارحانہ عزائم کوں خاک اچ ملاوݨ دی بھرپور صلاحیت رکھیندن۔ وزیر اعظم آکھیا جو چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر دی قیادت اچ افواجِ پاکستان قومی جذبے دے نال آپݨے فرائض انجام ݙیندی پئن۔ افواجِ پاکستان پیشہ ورانہ صلاحیتاں، اعلیٰ تربیت تے موثر دفاعی حکمتِ عملی نال لیس ہن تے کہیں وی اندرونی یا بیرونی چیلنج نال نبڑݨ دی مکمل صلاحیت رکھیندن، پاکستان ہمیشہ امن کوں فروغ ݙتے جڈانجو ملکی سالمیت تے کوئی آنچ نہ آوݨ ݙیسوں اتے افواجِ پاکستان ہر جارحیت دا ݙٹ تے مقابلہ کریسن، پوری قوم افواجِ پاکستان دے نال کھڑی اے۔