آپریشن سوئفٹ ریٹارٹ دی ستویں سالگرہ تے پوری قوم مسلح افواج دی جرات، پیشہ ورانہ مہارت تے قربانیاں کوں سلام پیش کریندی اے، صدرِ مملکت آصف علی زرداری

اسلام آباد۔ 27 فروری (اے پی پی) صدرِ مملکت آصف علی زرداری آکھیا جو آپریشن سوئفٹ ریٹارٹ دی ستویں سالگرہ تے پوری قوم آپݨی مسلح افواج دی جرات، پیشہ ورانہ مہارت تے قربانیاں کوں سلام پیش کریندی اے۔ جمعہ کوں ایوانِ صدر دے پریس وِنگ توں جاری بیان دے مطابق صدرِ مملکت آصف علی زرداری آکھیا جو 27 فروری 2019 کوں تھیوݨ آلی بلا اشتعال جارحیت دا منہ ٻھن جواب ݙے تے پاکستان ثابت کیتا جو قومی خودمختاری تے کوئی سمجھوتہ نئی تھی سڳدا۔ انہاں آکھیا جو جینویں آپریشن سوئفٹ ریٹارٹ اچ مشرق توں آوݨ آلے دشمن دے ݙند کھٹے کیتے ڳئے، ایں عزم تے صلاحیت دا مظاہرہ کل مغربی سرحد تے وی کیتا ڳیا۔ صدرِ مملکت آصف علی زرداری آکھیا جو مشرق ہووے یا مغرب، پاکستان دی سرحداں دی خلاف ورزی دا جواب ہکوجہا، فوری تے بھرپور تھیسی۔ صدر آصف علی زرداری آکھیا جو پاکستان خطے اچ امن چاہندے، پر امن کمزوری کائنی بلکہ طاقت دے متوازن تے ذمہ دارانہ استعمال نال قائم رہندے۔ انہاں آکھیا جو قوم سیسہ پلائی دیوار وانگوں آپݨی بہادر افواج دے نال کھڑی اے اتے ہر قسم دی جارحیت دے خلاف متحد اے۔