وزیراعظم دی افغان طالبان رجیم دے سرحدی علاقیاں اچ حملیاں کوں پسپا اتے تکڑی جوابی کارروائی تے افواجِ پاکستان دی تعریف

راولپنڈی۔ 27 فروری(اے پی پی) زیرِ اعظم محمد شہباز شریف افغان طالبان رجیم دے سرحدی علاقیاں اچ حملیاں کوں پسپا کرݨ اتے تکڑی جوابی کارروائی تے افواجِ پاکستان دی پیشہ ورانہ صلاحیتاں دی تعریف کریندے آکھیے جو افغان طالبان رجیم اتے فتنہ الخوارج دیاں پاکستان دے خلاف کارروائیاں ناقابلِ قبول ہین، ایں سانڳے زیرو ٹالرنس دی پالیسی اپنائی ونڄے۔ انھاں اے ڳالھ جنرل ہیڈ کوارٹرز (جی ایچ کیو) دے دورے اچ الیندے آکھی۔

دورے اچ عسکری قیادت وزیراعظم کوں افغانستان دی صورتحال تے مفصل بریفنگ ݙتی۔ وزیراعظم ہدایت کیتی جو فتنہ الخوارج اتے افغان طالبان رجیم دے گٹھ جوڑ اتے شرپسند کارروائیاں دے خلاف زیرو ٹالرنس اپنائی ونڄے، افغان طالبان رجیم اتے فتنہ الخوارج دی پاکستان دے خلاف کارروائیاں ناقابلِ قبول ہین۔ چیف آف آرمی سٹاف اتے چیف آف ڈیفنس فورسز فیلڈ مارشل سید عاصم منیر دی قیادت اچ افواجِ پاکستان ملک دی حفاظت کیتے ہر ویلھے تیار ہین۔

وزیراعظم آکھیے جو پاکستان کہیں وی جارحیت دے خلاف اپݨا دفاع کرݨ ڄاݨدے۔ انہاں آکھیا جو پوری قوم ارضِ وطن دی حفاظت کیتے اپݨی افواجِ پاکستان دے شانہ بشانہ کھڑی اے۔