اسلام آباد۔ 27 فروری(اے پی پی) سپیکر قومی اسمبلی سردار ایاز صادق نال پرتگال دے سفیر مینوئل فریڈریکو پِنہیرو دا سلوا پارلیمنٹ ہاؤس اسلام آباد اچ الوداعی ملاقات کیتی جیندے اچ ݙوطرفہ تعلقات، پارلیمانی تعاون اتے باہمی دلچسپی دے امور تے ڳالھ تھئی۔ پرتگال دے سفیر آکھیا جو پاکستان اچ اپݨی سفارتی ذمہ داریاں کیتے گزریا جھٹ میݙے ڄیوݨ دا ایک نویکلا اتے یادگار دور رہا۔ انہاں پاکستانی عوام کوں …
سپیکر قومی اسمبلی سردار ایاز صادق نال پرتگال دے سفیر مینوئل فریڈریکو پِنہیرو دا سلوا دی الوداعی ملاقات
اسلام آباد۔ 27 فروری(اے پی پی) سپیکر قومی اسمبلی سردار ایاز صادق نال پرتگال دے سفیر مینوئل فریڈریکو پِنہیرو دا سلوا پارلیمنٹ ہاؤس اسلام آباد اچ الوداعی ملاقات کیتی جیندے اچ ݙوطرفہ تعلقات، پارلیمانی تعاون اتے باہمی دلچسپی دے امور تے ڳالھ تھئی۔ پرتگال دے سفیر آکھیا جو پاکستان اچ اپݨی سفارتی ذمہ داریاں کیتے گزریا جھٹ میݙے ڄیوݨ دا ایک نویکلا اتے یادگار دور رہا۔ انہاں پاکستانی عوام کوں ݙاݙھا مہمان نواز، باصلاحیت اتے باوقار قرار ݙتا۔ سپیکر قومی اسمبلی پرتگال دے سفیر کوں انھاں دیاں نویاں ذمہ داریاں کیتے نیک تمناواں پچیندے مستقبل اچ وی پاکستان اتے پرتگال وچال تکڑے تعاون دے تسلسل دی امید کیتی۔
