وزیر اعظم محمد شہباز شریف نال چین دے سفیر جیانگ زیڈونگ دی ملاقات

اسلام آباد۔ 27 فروری(اے پی پی) وزیر اعظم محمد شہباز شریف چین پاکستان اقتصادی راہداری (سی پیک) دے تحت جاری منصوبیاں دی رفتار تیز کرݨ دی اہمیت ودھیندے زراعت، آئی ٹی، کان کنی اتے معدنیات اچ تعاون ٻیا ودھاوݨ تے زور ݙتے۔ وزیراعظم آفس دے میڈیا ونگ دے بیان دے مطابق وزیر اعظم محمد شہباز شریف نال پاکستان اچ چین دے سفیر جیانگ زیڈونگ وزیراعظم ہاؤس اسلام آباد اچ ملین۔ ملاقات اچ وزیراعظم پاکستان اتے چین وچال پائیدار تزویراتی تعاون تے مبنی شراکت داری دا عزم دوہرایا۔ وزیر اعظم چین دے صدر شی جن پنگ، وزیراعظم لی کیانگ، چینی قیادت اتے عوام کوں نویں چینی سال دی مبارک ݙتی۔ انہاں اقتصادی، سلامتی اتے ترقیاتی محاذاں تے پاکستان کیتے چین دی مسلسل اتے ثابت قدم حمایت دی تعریف کیتی۔ وزیراعظم خاص کر چین پاکستان اقتصادی راہداری (سی پیک) جیڑھا بیلٹ اینڈ روڈ انیشئیٹو دا ہک اہم منصوبہ اے دا ݙسایا۔ سی پیک دے تحت جاری منصوبیاں تے کم دی رفتار تیز کرݨ تے زور ݙیندے وزیر اعظم زراعت، آئی ٹی، کان کنی اتے معدنیات اچ تعاون ٻیا ودھاوݨ دا آکھیا۔ انہاں پاکستان اچ چینی اہلکاراں، سرمایہ کاری اتے اداریاں کیتے محفوظ اتے سازگار ماحول ݙیوݨ دا پاکستان دا عزم وی دہرایا۔ چینی سفیر جیانگ زیڈونگ وزیراعظم کوں چین پاکستان تعلقات اچ حالیہ پیش رفت دا ݙسایا اتے چینی قیادت دا نیک خواہشات دا سنیہا پچایا۔ انہاں پاکستان دی خودمختاری، علاقائی سالمیت اتے سماجی و اقتصادی ترقی کیتے چین دی ودھ حمایت دا اعادہ کیتا۔ ݙوہائیں فریقاں باہمی دلچسپی دے علاقائی اتے بین الاقوامی امور تے الایا اتے خطے اتے ایندے توں ٻاہرو امن، استحکام اتے خوشحالی اچ کردار ادا کرݨ کیتے قریبی رابطہ کاری اتے مشاورت کوں برقرار رکھݨ تے اتفاق کیتا۔