لاہور۔ 2 مارچ (اے پی پی)وزیراعلیٰ پنجاب مریم نواز شریف صوبے اچ بائیکس سودھے ساری وہیکلز تے ای ٹیگ لاوݨ دی منظوری ݙے ݙتی۔ وزیراعلیٰ مریم نواز دی زیرِ صدارت امن و امان متعلق اہم اجلاس منعقد تھیا۔ اجلاس اچ سکیورٹی متعلق اہم فیصلے کیتے ڳئن۔ اجلاس اچ بائیکس سودھے گاݙیاں تے ای ٹیگ لاوݨ دا فیصلہ کیتا ڳیا۔ وزیراعلیٰ مریم نواز شریف 7 ݙٰینھ اچ مائیکرو سکیورٹی دا پلان …
وزیراعلیٰ مریم نواز دی صوبے اچ بائیکس سمیت تمام وہیکلز تے ای ٹیگ لاوݨ دی منظوری
مزید خبراں
لاہور۔ 2 مارچ (اے پی پی)وزیراعلیٰ پنجاب مریم نواز شریف صوبے اچ بائیکس سودھے ساری وہیکلز تے ای ٹیگ لاوݨ دی منظوری ݙے ݙتی۔ وزیراعلیٰ مریم نواز دی زیرِ صدارت امن و امان متعلق اہم اجلاس منعقد تھیا۔ اجلاس اچ سکیورٹی متعلق اہم فیصلے کیتے ڳئن۔ اجلاس اچ بائیکس سودھے گاݙیاں تے ای ٹیگ لاوݨ دا فیصلہ کیتا ڳیا۔ وزیراعلیٰ مریم نواز شریف 7 ݙٰینھ اچ مائیکرو سکیورٹی دا پلان منڳ ڳھدا۔ اجلاس اچ پنجاب سائبر کرائم انوسٹی گیشن یونٹ بݨاوݨ دی منظوری ݙتی ڳئی۔ سائبر کرائم دا شکار تریمتاں تے ٻالڑیاں کیتے خصوصی سیل قائم تھیسی۔ وزیراعلیٰ مریم نواز شریف سائبر کرائم انوسٹی گیشن یونٹ دا سربراہ مقرر کرݨ دی منظوری ݙے ݙتی۔ ضلعیں اچ ڈسٹرکٹ آن لائن کرائم سینٹر قائم تھیسن۔ وزیراعلیٰ مریم نواز شریف غیر روایتی صوبائی داخلی پوائنٹ توں آونڄ تے پابندی یقینی بݨاوݨ کیتے اقدامات دی ہدایت کیتی۔ ایں موقع تے صوبائی داخلی رستاں تے سرچ لائٹ لاوݨ تے ڈرون سرویلنس دی وی منظوری ݙتی ڳئی۔وزیراعلیٰ مریم نواز شریف چیک پوسٹاں تے روف ٹاپ سیکیورٹی مانیٹرنگ یقینی بݨاوݨ دی ہدایت کیتی۔ انھاں جدید ترین ڈرون ڈیفنس خریدݨ کیتے فوری اقدامات دا حکم ݙتا تے ڈرون تے پابندی یقینی بݨاوݨ کیتے اقدامات دی وی ہدایت کیتی۔ مریم نواز شریف جرائم پیشہ افراد تے دہشت گرداں دی نشاندہی کیتے کومبنگ آپریشن مسلسل جاری رکھݨ دا حکم ݙتا تے ہجوم نال نمٹݨ کیتے قائم آر ایم پی دی ٹریننگ تے جدید ترین سیکیورٹی آلات ݙیوݨ دی ہدایت کیتی۔اجلاس اچ یومِ حضرت علیؑ تے علما کرام نال مشاورت دے بعد سکیورٹی ایس او پی تشکیل ݙیوݨ تے اتفاق کیتا ڳیا۔ وزیراعلیٰ مریم نواز شریف لاہور سودھے پنجاب اچ صورتحال کوں وقتی سنبھالݨ تے صوبائی وزیر خواجہ سلمان رفیق تے لاہور پولیس کوں شاباش ݙتی۔ انھاں امن و امان دی بحالی کیتے متحرک علما کرام کوں وی خراجِ تحسین پیش کیتا تے انھاں دا شکریہ ادا کیتا۔ وزیراعلیٰ مریم نواز شریف آکھیا جو دہشت گردی مکاوݨ کیتے ساریں کوں ھک تے متحرک تھیوݨا پوسی۔ چیک پوسٹ توں خودکش حملہ آور دا پنجاب اچ داخل تھیوݨ تشویشناک اے۔ آرام نال نی ٻہہ سڳدے، ساریں کوں ہوشیار رہݨا پوسی۔ وزیراعلیٰ مریم نواز شریف آکھیا جو جنگ (وار فیئر) دے طور طریقے بدل چکن، ساکوں خود کوں تیار کرݨا پوسی۔ علما کرام امن و امان کوں برقرار رکھݨ کیتے تعاون جاری رکھن۔
