وزیراعظم شہباز شریف دی صدارت پارلیمانی جماعتاں دے رہنماواں تے نمائندیاں دا اجلاس شروع تھی ڳیا

اسلام آباد۔ 4 مارچ (اے پی پی) وزیراعظم محمد شہباز شریف دی صدارت پارلیمانی جماعتاں دے رہنماواں تے نمائندیاں دا اجلاس شروع تھی ڳیا۔ وزیرِ اعظم آفس دے میڈیا ونگ توں جاری بیان دے مطابق وزیرِ اعظم محمد شہباز شریف پارلیمانی رہنماواں کوں پاکستان افغانستان صورتحال تے خطے بالخصوص مشرقِ وسطیٰ تے خلیج اچ اڄوکی کشیدگی دے حوالے نال اعتماد اچ گھنسن۔ اجلاس اچ پارلیمانی رہنماواں کوں تفصیلی بریفنگ وی ݙتی ویسے۔اجلاس اچ اڄوکی کشیدگی دے دوران پاکستان ولوں سفارتی کوششاں تے وی روشنی پاتی ویسے۔ چیئرمین سینیٹ سید یوسف رضا گیلانی، سپیکر قومی اسمبلی سردار ایاز صادق، ڈپٹی چیئرمین سینیٹ سیدال خان، ڈپٹی سپیکر قومی اسمبلی غلام مصطفی شاہ، نائب وزیرِ اعظم تے وزیرِ خارجہ سینیٹر محمد اسحاق ڈار، چیئرمین پاکستان پیپلز پارٹی بلاول بھٹو زرداری، جمعیت علمائے اسلام دے امیر مولانا فضل الرحمان، وفاقی وزرا احسن اقبال، اعظم نذیر تارڑ، عطا اللہ تارڑ، ڈاکٹر طارق فضل چوہدری، عبدالعلیم خان (استحکام پاکستان پارٹی)، خالد حسین مگسی (بلوچستان عوامی پارٹی)، خالد مقبول صدیقی (متحدہ قومی موومنٹ)، چوہدری سالک حسین (پی ایم ایل ق)، سید مصطفی کمال (متحدہ قومی موومنٹ)، رانا مبشر اقبال، مشیر وزیرِ اعظم رانا ثناء اللہ خاں، معاون خصوصی طلحہٰ برکی دے علاوہ سینیٹر شیری رحمن (پاکستان پیپلز پارٹی پارلیمنٹیرینز)، انوار الحق کاکڑ، منظور احمد کاکڑ (بلوچستان عوامی پارٹی)، پرویز رشید (پاکستان مسلم لیگ ن)، حافظ عبدالکریم، فیصل سبزواری (متحدہ قومی موومنٹ)، جان محمد (نیشنل پارٹی)، ارکانِ قومی اسمبلی سید نوید قمر (پاکستان پیپلز پارٹی پارلیمنٹیرینز)، ڈاکٹر فاروق ستار (متحدہ قومی موومنٹ)، امین الحق (متحدہ قومی موومنٹ) تے پولین بلوچ (نیشنل پارٹی) اجلاس اچ شریک ہن۔