نیب دے 3 افسراں دی گریڈ 21 اچ ترقی

اسلام آباد۔ 4 مارچ (اے پی پی) قومی احتساب بیورو (نیب) اسلام آباد ترائے سینئر افسراں کوں گریڈ 20 توں گریڈ 21 اچ ترقی ݙے ݙتی۔ ترقی دا نوٹیفکیشن چیئرمین نیب دی منظوری تے سلیکشن کمیٹی دی سفارشات دی روشنی اچ جاری کیتا ڳئے۔ پریس ریلیز موجب ترقی پاوݨ آلے افسراں کوں بطور ڈائریکٹر جنرل (ڈی جی) تعینات کیتا ڳئے۔ترقی پاوݨ آلے افسراں اچ محمد عامر بٹ کوں گریڈ 20 توں 21 اچ ترقی ݙے تے بطور ڈائریکٹر جنرل نیب سکھر تعینات کیتا ڳئے۔ محمد طاہر جیڑھے بطور ڈائریکٹر نیب ہیڈ کوارٹرز خدمات انجام ݙیندے پئے ہن، انھاں کوں گریڈ 21 اچ ترقی ݙے تے ڈائریکٹر جنرل نیب ہیڈ کوارٹرز مقرر کرݙتا ڳئے۔ غلام صفدر شاہ کوں وی گریڈ 20 توں 21 اچ ترقی ݙتی ڳئی اے تے او بطور ڈائریکٹر جنرل پی اے سی اے آپݨیاں ذمہ واریاں جاری رکھیسن۔ نیب اعلامیہ موجب ترقیاں دا مقصد ادارے دی کارکردگی مزید موثر بݨاوݨ تے احتساب دے عمل کوں تکڑا کرݨ اے۔