اسلام آباد۔ 4 مارچ (اے پی پی) وفاقی وزیر خزانہ و محصولات سینیٹر محمد اورنگزیب آکھیا جو پاکستان نیدرلینڈ دے نال اقتصادی تعاون کوں مضبوط بݨاوݨ کوں خصوصی اہمیت ݙیندا پئے، قابلِ اعتماد غیر ملکی سرمایہ کاری کیتے سازگار ماحول ݙیوݨ اچ پرعزم ہیسے۔ انھاں اے ڳالھ پاکستان اچ نیدرلینڈ دے سفیر رابرٹ جان سیگرٹ نال ملاقات اچ آکھی۔ او اینگرو کارپوریشن تے اینگرو ووپاک ٹرمینل لمیٹڈ (ای وی ٹی …
وزیرِ خزانہ محمد اورنگزیب نال نیدرلینڈ دے سفیر رابرٹ جان سیگرٹ دی ملاقات
مزید خبراں
اسلام آباد۔ 4 مارچ (اے پی پی) وفاقی وزیر خزانہ و محصولات سینیٹر محمد اورنگزیب آکھیا جو پاکستان نیدرلینڈ دے نال اقتصادی تعاون کوں مضبوط بݨاوݨ کوں خصوصی اہمیت ݙیندا پئے، قابلِ اعتماد غیر ملکی سرمایہ کاری کیتے سازگار ماحول ݙیوݨ اچ پرعزم ہیسے۔ انھاں اے ڳالھ پاکستان اچ نیدرلینڈ دے سفیر رابرٹ جان سیگرٹ نال ملاقات اچ آکھی۔ او اینگرو کارپوریشن تے اینگرو ووپاک ٹرمینل لمیٹڈ (ای وی ٹی ایل) دے ہک وفد دے رلے وزیرِ خزانہ توں ملݨ آئے ہن۔ وفد اچ پریزیڈنٹ اینگرو کارپوریشن احسن ظفر سید، چیف ایگزیکٹو افسر ای وی ٹی ایل عمار شاہ تے وائس پریزیڈنٹ و چیف گورنمنٹ ریلیشنز آفیسر اینگرو کارپوریشن یاسر علی شامل ہن۔ وفد دا خیرمقدم کریندے وزیرِ خزانہ ایں امر تے زور ݙتا جو پاکستان نیدرلینڈ دے نال اقتصادی تعاون کوں مضبوط بݨاوݨ کوں خصوصی اہمیت ݙیندا پئے۔وزیرِ خزانہ آکھیا جو باوقار بین الاقوامی سرمایہ کاراں دے نال پراݨے شراکت داریاں پاکستان دی اقتصادی ترقی اچ مثبت کردار ادا کریندیاں ہن، تجارت و سرمایہ کاری کوں ودھارا ݙیندیاں ہن تے عالمی کاروباری برادری اچ اعتماد کوں مستحکم کریندن۔ ہالینڈ دے سفیر ملاقات دا موقع ݙیوݨ تے وزیرِ خزانہ دا شکریہ ادا کیتا تے نیدرلینڈز دی طرفوں ݙو طرفہ اقتصادی تعلقات کوں مزید وسعت ݙیوݨ دے عزم دا اعادہ کیتا۔ انھاں پاکستان اچ ڈچ کمپنیاں دی موجودگی دا حوالہ ݙیندے آکھیا جو پاکستانی تے ڈچ اداریں وچال کامیاب شراکت داریاں ݙوہیں ملکاں وچال اقتصادی تعاون دی بھرپور صلاحیت کوں ظاہر کریندیاں پئن۔ملاقات دے دوران اینگرو دی ٹیم وزیرِ خزانہ کوں اینگرو ووپاک ٹرمینل لمیٹڈ دی سرگرمیاں دے بارے اچ بریفنگ ݙتی جیڑھا نیدرلینڈز دی رائل ووپاک تے اینگرو کارپوریشن دا مشترکہ منصوبہ اے۔ وفد ݙسایا جو اے ٹرمینل 1996ء توں پورٹ قاسم تے فعال اے تے پاکستان دی صنعتی و توانائی سپلائی چین اچ اہم کردار ادا کریندا پئے جتھاں زیریں صنعتاں کیتے درکار کلیدی کیمیکلز دی درآمدات کوں سنبھالیا ویندے، نیز گھریلو توانائی دی ضرورتاں پوری کرݨ کیتے میریئن ایل پی جی دا خاطر خواہ حصہ وی اتھاؤں ہینڈل کیتا ویندے۔
