اکادمی ادبیات پاکستان ولوں مقبول ہفتہ وار ادبی سلسلے “چائے، باتیں اور کتابیں” دی 76ویں غیر رسمی نشست عالمی تریمتاں دے عالمی ڈیھاڑے دے موقع دی مناسبت نال “عصرِ حاضر کی پاکستانی خواتین اہلِ قلم: تخلیقی بصیرت تے سماجی شعور” کمیٹی روم اچ تھئی ۔اجلاس اچ تریمتاں دے حقوق، سماجی رویے تے رکاوٹاں دے موضوع تے بامقصد ڳالھ مہاڑ تھئی۔

اسلام آباد۔ 4 مارچ (اے پی پی) معروف صحافی تےاہلِ قلم فریدہ حفیظ تےافشاں عباسی تریمتاں دے جڳ ݙیھاڑ دی اہمیت تے معاشرتی تناظر اچ تریمتیں دے کردار تے ڳالھ مہاڑ کیتی ڳئی۔

صدرنشین اکادمی ادبیات پاکستان ڈاکٹر نجیبہ عارف دا آکھݨ ہا جو تریمتیں حیاتی دے ہر شعبے اچ مرداں دے مونڈھے نال مونڈھا رلا تے کھڑدی اے تے آپدیاں صلاحیتاں منویندی اے ۔انھاں دا آکھݨ اے جو ادبی میدان اچ تریمتیں دی تخلیقی توانائی، فکری گہرائی تے سماجی شعور تعریف دے قابل اے ، تاں جو وت وی نمائندگی کوں ٻیا ودھاوݨ دی لوڑھ اے انھاں ایں ڳالھ تے زور ݙتاجو غیر معمولی ہنر کݙاہیں لکیا نی رہندا تے ابھردے ہوئے تے درمیانے درجے دے لکھاریاں کوں اگوں آوݨ کیتے مسلسل محنت، فکری ریاضت تے تربیت دی لوڑھ ہوندی اے ۔ انھاں نینگر قلم کاراں کوں مشورہ ݙتا جو او مطالعہ دا ذوق اختیار کرن اتے کلاسیکی تے معاصر ادب توں فیدہ چیندے ہوئے آپدے فکری دائرے کوں ودھاون۔

منیر فیاض ادب اچ وجودِ زن دے تاریخی، سماجی تے ادبی پہلوؤاں تے روشنی پاتی ۔ رفعت انجم نعتِ رسولِ مقبول ﷺ پیش کیتی۔باچا خان یونیورسٹی چارسدہ دی پی ایچ ڈی اسکالر مہرانساء پشتو ادب اچ تریمتیں دے کردار تے تحقیقی ڳالھ مہاڑ کیتی ۔

ڈاکٹر مہناز انجم نواحی علاقیاں دی تریمتیں دے مسئلیں دا ذکر کیتااتے آپدی نظم سݨائی جݙاں جو افشاں عباسی وی آپدی نظم پیش کریندے ہوئے حیاتی دے پندھ دے واقعات بیان کیتے۔

مقررین ایں امر تے زور ݙتا جو عورت دے بغیر زندگی ادھوری اے اتے معاشرے اچ تریمتیں دی تکریم تے احترام ناگزیر اے۔ڈاکٹر بی بی امینہ آکھئے جو سماجی رکاوٹاں دے علاوہ تریمت کوں ادب دے تنقیدی تےتحقیقی میدان اچ وی وکھو وکھ مسلیں دا سامݨاں اے ۔داؤد کیف آپدے خیالیں دا اظہار کریندے ہوئے آکھئے جوڈاکٹر نجیبہ عارف دی بطور چیئرپرسن تقرری دے بعد اکادمی دی ادبی تقریبات اچ موضوعاتی تنوع تے فکری وسعت آئی اے۔ انھاں اردو ادب دی ممتاز ادیباواں جیویں خدیجہ مستور، حاجرہ مسرور، فریدہ حفیظ، کشور ناہید وغیرہ دا ذکر کیتا۔
اجلاس اچ ڈاکٹر نجیبہ عارف، فریدہ حفیظ، افشاں عباسی، منیر فیاض، ڈاکٹر بی بی امینہ، محمد عبدالمتین ہاشمی، حسیبہ بلوچ، یوسف خان، محمد جمیل مغل، محمد وسیم فقیر، ڈاکٹر مہناز انجم، داود کیف، رفعت انجم، خرم خرام صدیقی، نوشابہ نور، شمائلہ نور علشبہ نواز، مبشر ستی، خالد محمود تے ݙوجھے اہل علم وادب دا شوق رکھݨ آلے شریک تھئے۔(ڈاکٹر سعدیہ کمال)