اعتکاف رضائے الٰہی دے حصول دا اہم ذریعہ اے، علامہ ڈاکٹر راغب حسین نعیمی

لاہور۔ 6 مارچ (اے پی پی) چیئرمین اسلامی نظریاتی کونسل علامہ ڈاکٹر راغب حسین نعیمی آکھیے جو اعتکاف رضائے الٰہی دے حصول دا اہم ذریعہ اے۔ اے ڳالھ انہاں جامعہ نعیمیہ اچ جمعۃ المبارک دے اجتماع توں خطاب کریندے آکھی۔اعتکاف دے دوران موبائل فون دے استعمال توں مکمل طور تے اجتناب کرݨا چاہیدے، ماہِ رمضان المبارک دی ساری عبادات دا محور رضائے الٰہی دا حصول ہی تھیندے، اعتکاف دا اصل مقصد، جتھاں شبِ قدر ڳولݨ اے اتھائیں اے وی اے جو بندہ صرف اللہ پاک دے نال آپݨا تعلق قائم کرے، ساری مصروفیات ترک کر تے اللہ تعالیٰ دے ذکر اچ مشغول تھی ونڄے تاں جو مخلوق دی بجائے اللہ توں محبت پیدا تھی ونڄے۔ دورانِ اعتکاف، کوئی خاص عبادت متعین کائنی لیکن تلاوت، ذکر، نفلی عبادات، قضا نمازاں، تے دعاواں دا خاص اہتمام کرن۔ انھاں آکھیا جو رمضان المبارک دا ہر لمحہ قیمتی اے، مگر ایندا تریجھا عشرہ آپݨی انڄ شان رکھیندن۔ پہلا عشرہ اساکوں اللہ دی رحمت دی امید ݙویندے، ݙوجھا ساکوں مغفرت دی خوشخبری ݙیندے تے تریجھا ساکوں جہنم توں نجات دی نوید سݨویندے ۔ جے اساں اخلاص دے نال عبادت کروں، آپݨے اعمال دی اصلاح کروں تے اللہ تعالیٰ توں سچی توبہ کروں تاں یقیناً اساں ایں بابرکت مہینے دی حقیقی برکتاں کوں سانبھ سڳدوں۔ اللہ تعالیٰ اساکوں رمضان دی قدر کرݨ تے ایندے توں مکمل فیدہ چاوݨ دی توفیق عطا فرماوے۔