ملک اچ پٹرول پمپس تے ذخیرہ اندوزی، ودھ قیمت یا قلت دی صورت اچ اساکوں اطلاع ݙیو، ایجھے لوکاں دے خلاف کارروائی کیتی ویسی، ترجمان اوگرا

اسلام آباد۔ 7 مارچ (اے پی پی) آئل اینڈ گیس ریگولیٹری اتھارٹی آکھیا جو ملک  دے پٹرول پمپس تے کہیں وی ڄاہ ذخیرہ اندوزی، ودھ قیمت یا قلت دی صورت اچ اساکوں اطلاع ݙیو، ایجھے لوکاں دے خلاف فوری کارروائی کیتی ویسی۔ ہفتہ کوں ترجمان اوگرا توں جاری بیان اچ آکھیا ڳیا جو اوگرا پورے ملک اچ پٹرولیم مصنوعات دی قلت پیدا کرݨ، ذخیرہ اندوزی تے ودھ قیمتاں دی سختی نال مانیٹرنگ یقینی بݨیندا پئے، اگر ملک دے پٹرول پمپاں تے ایجھی کوئی شکایت ہووے تاں اساکوں فوری ݙساؤ، اساݙی انفورسمنٹ ٹیم قانون نافذ کرݨ آلے اداریاں دے نال رل تے کارروائی کریسی۔