بلوچستان اچ ݙو انڄ انڄ کارروائیاں اچ بھارتی پراکسی، فتنہ الخوارج تے فتنہ ہندوستان توں رکھݨ آلے 15 دہشت گرد جہنم واصل کیتے ڳئے، آئی ایس پی آر

راولپنڈی۔ 7 مارچ (اے پی پی) بلوچستان اچ ݙو انڄ انڄ کارروائیاں اچ بھارتی پراکسی، فتنہ الخوارج تے فتنہ ہندوستان توں تعلق رکھݨ آلے 15 دہشت گرد جہنم واصل کیتے ڳئے۔ آئی ایس پی آر توں جاری پریس ریلیز دے مطابق ہرنائی ضلع اچ فتنہ الخوارج دے سابق ارکان دی موجودگی دی اطلاع ملی، انھاں دی موجودگی تے ہک انٹیلی جنس بیسڈ آپریشن (آئی بی او) کیتا ڳیا۔ کارروائی دے دوران افواج دہشت گرداں دے ٹکاݨے کوں مؤثر طریقے نال نشانہ بݨایا اتے شدید مقابلے دے بعد، بھارت دی سرپرستی اچ موجود 12 خوارج کوں جہنم واصل کر ݙتا ڳیا۔ ایں طرح بسیمہ ضلع اچ ہک ٻئی انٹیلی جنس بیسڈ آپریشن (آئی بی او) کیتا ڳیا۔ کارروائی دے دوران افواج فتنہ ہندوستان دے دہشت گرداں دی موجودگی دا سراغ لاتا اتے کارروائی کریندیں ہوئیں انھاں کوں مؤثر طریقے نال نشانہ بݨایا۔ شدید فائرنگ دے تبادلے دے بعد، بھارت دی سرپرستی اچ ترائے دہشت گرداں کوں جہنم واصل کر ݙتا ڳیا۔ ہلاک تھیوݨ آلے خوارج تے دہشت گرداں توں اسلحہ، گولہ بارود تے دھماکہ خیز مواد وی برآمد کیتا ڳیا، جیہڑے متعدد دہشت گردانہ سرگرمیاں اچ سرگرم ہن۔ علاقے اچ موجود کہیں وی ٻئے بھارتی سرپرست دہشت گرد کوں ختم کرݨ کیتے کلیئرنس آپریشن جاری اے۔ آئی ایس پی آر دے مطابق سکیورٹی فورسز تے پاکستان دے قانون نافذ کرݨ آلے اداریاں ولوں قومی ایکشن پلان تے وفاقی ایپکس کمیٹی توں منظور شدہ وژن “عزمِ استحکام” دے تحت بے لگام انسدادِ دہشت گردی مہم مکمل رفتار نال جاری رہسی تانجو ملک توں غیر ملکی سرپرستی تے حمایت یافتہ دہشت گردی دے ناسور کوں مکمل طور تے ختم کیتا ونج سڳے۔