آپریشن غضب للحق دے دوران افغان طالبان رجیم دے 583 کارندے ہلاک، 795 توں ودھ زخمی تھی ڳئے، وفاقی وزیر اطلاعات عطاء اللہ تارڑ دا آپریشن ”غضب للحق“ دے حوالے نال بیان

اسلام آباد۔ 8 مارچ (اے پی پی) آپریشن غضب للحق دے دوران 8 مارچ 2026ء ݙوپہر 4 وڄے تئیں افغان طالبان رجیم دے 583 کارندے ہلاک تے 795 توں ودھ زخمی تھی ڳئے۔ وفاقی وزیرِ اطلاعات عطاء اللہ تارڑ اتوار کوں سماجی رابطے دے پلیٹ فارم ”ایکس“ تے آپݨی ہک پوسٹ اچ ݙسایا جو آپریشن غضب للحق دے دوران افغان طالبان دی 242 چیک پوسٹاں تباہ تھیاں جݙاں جو 38 چیک پوسٹاں تے قبضہ کیتا ڳیا۔ ایں طرح 213 ٹینک، بکتر بند گاݙیاں تے آرٹلری گنز (توپاں) تباہ کیتی ڳئی۔ افغانستان اچ 64 ڄہیں کوں فضائی کارروائی اچ موثر طور تے نشانہ بݨایا ڳیا۔