اسلام آباد۔ 9 مارچ (اے پی پی) وفاقی وزیر تخفیفِ غربت و سماجی تحفظ سید عمران احمد شاہ آکھیے جو پاکستان اچ جامع تے پائیدار ترقی کیتے حکومت، سول سوسائٹی تے مقامی کمیونٹیز وچال مؤثر اشتراک نہایت اہم اے، مقامی این جی اوز کمیونٹی دی سطح تے مسئلیں کوں بہتر طور تے سمجھدن تے ترقیاتی اقدامات کوں عملی شکل ݙیوݨ اچ اہم کردار ادا کریندن ۔ انھاں اے ڳالھ ٹرسٹ …
پاکستان اچ جامع تے پائیدار ترقی کیتے حکومت، سول سوسائٹی تے مقامی کمیونٹیز وچال مؤثر اشتراک اہم اے،وفاقی وزیر سیدعمران احمد شاہ
مزید خبراں
اسلام آباد۔ 9 مارچ (اے پی پی) وفاقی وزیر تخفیفِ غربت و سماجی تحفظ سید عمران احمد شاہ آکھیے جو پاکستان اچ جامع تے پائیدار ترقی کیتے حکومت، سول سوسائٹی تے مقامی کمیونٹیز وچال مؤثر اشتراک نہایت اہم اے، مقامی این جی اوز کمیونٹی دی سطح تے مسئلیں کوں بہتر طور تے سمجھدن تے ترقیاتی اقدامات کوں عملی شکل ݙیوݨ اچ اہم کردار ادا کریندن ۔ انھاں اے ڳالھ ٹرسٹ فار وولنٹری آرگنائزیشنز (ٹی وی او) دے زیرِاہتمام پارٹنر این جی اوز کوں گرانٹس دی پہلی قسط دے چیکس ݙیوݨ دی تقریب توں خطاب کریندے آکھی۔تقریب دے دوران 9 پارٹنر این جی اوز تے کمیونٹی بیسڈ آرگنائزیشنز کوں انھاں دے منظور شدہ ترقیاتی منصوبیں دے آغاز کیتے گرانٹس دی پہلی قسط دے چیکس ݙتے ڳئے۔ اے منصوبے ملک دے مختلف علاقیں اچ کمیونٹی دی سطح تے اہم ترقیاتی چیلنجز نال نبٹݨ کیتے شروع کیتے ویندے پئن۔ انھاں منصوبیں دے ذریعے دیہاتی تے پسماندہ علاقیں اچ صاف پاݨی ، بنیادی صحت دی سہولتاں دی بہتری، موسمیاتی تبدیلی نال نبٹݨ دی صلاحیت اچ اضافہ، جدید زرعی طریقیں دے ودھارے، روزگار تے ہنر مندی دے موقع پیدا کرݨ تے سکول توں ٻاہر ٻالاں کوں ول تعلیم دے دائرے اچ گھن آوݨ جہیں اہم شعبیں تے توجہ ݙتی ویسی۔ وفاقی وزیر آکھیا جو وزیراعظم محمد شہباز شریف دے وژن موجب حکومتِ پاکستان غربت اچ کمی تے کمزور طبقات دے تحفظ کوں آپݨی ترجیحات اچ شامل کیتی کھڑی اے۔
