اسلام آباد۔ 10 مارچ (اے پی پی) وزیراعظم محمد شہباز شریف اسلامی جمہوریہ ایران دے نال رل تے کم جاری رکھݨ دے پاکستان دے عزم دا اعادہ کریندے آکھیے جو پاکستان تے ایران دے تعلقات مشترکہ عقیدے، تاریخ، ثقافت تے زبان تے مبنی ہن، پاکستان دے عوام کوں آیت اللہ سید علی خامنہ ای دی شہادت دا شدید ݙکھ اے۔ وزیراعظم دفتر توں جاری بیان موجب وزیراعظم ایران دے رہبرِ …
وزیراعظم محمد شہباز شریف دا ایران دے نال رل تے کم جاری رکھݨ دے عزم دا اعادہ، رہبرِ معظم مجتبیٰ خامنہ ای دے ناں خط
مزید خبراں
اسلام آباد۔ 10 مارچ (اے پی پی) وزیراعظم محمد شہباز شریف اسلامی جمہوریہ ایران دے نال رل تے کم جاری رکھݨ دے پاکستان دے عزم دا اعادہ کریندے آکھیے جو پاکستان تے ایران دے تعلقات مشترکہ عقیدے، تاریخ، ثقافت تے زبان تے مبنی ہن، پاکستان دے عوام کوں آیت اللہ سید علی خامنہ ای دی شہادت دا شدید ݙکھ اے۔ وزیراعظم دفتر توں جاری بیان موجب وزیراعظم ایران دے رہبرِ معظم مجتبیٰ خامنہ ای دے ناں خط اچ انھاں دے والد تے اسلامی جمہوریہ ایران دے سپریم لیڈر آیت اللہ سید علی خامنہ ای دی شہادت تے تعزیت دا اظہار کیتے تے انھاں کوں سپریم لیڈر دی ذمہ واریاں سنبھالݨ تے مبارخ وی ݙتی اے۔وزیراعظم آکھیا جو آیت اللہ سید علی خامنہ ای دی شہادت دی وجہ توں پاکستانی عوام شدید ݙکھ اچ ہن تے ایں اوکھے ویلھے اچ ایران دی قیادت تے عوام دے نال یکجہتی اچ کھڑن۔ وزیراعظم ایں امید دا اظہار کیتا جو رہبرِ معظم مجتبیٰ خامنہ ای دی قیادت آوݨ آلے سالاں اچ امن، استحکام تے خوشحالی دے پاسے ایران دی رہنمائی کریسی۔ انھاں آکھیا جو اساں ایران دے نال سانجھی دلچسپی دے سارے شعبیں اچ ݙو طرفہ تعاون کوں مزید مستحکم کرݨ دا عزم رکھیندوں، جیندے نال خطے دا وقار بلند تھیسی۔
