اسلام آباد۔ 11 مارچ (اے پی پی) صدرِ مملکت آصف علی زرداری نیپال دی راشٹریہ سواتنترا پارٹی تے اوندے رہنما بلیندرا شاہ کوں تاریخی انتخابی کامیابی تے مبارکباد ݙتی اے۔ بدھ کوں ایوانِ صدر دے پریس ونگ توں جاری بیان دے مطابق صدرِ مملکت آکھیا جو انتخابی عمل اچ نینگراں دی شرکت انتہائی حوصلہ افزاء اے اتے اے جوابدہ طرزِ حکمرانی تے اصلاحات کیتے خطے اچ پاتے ونڄݨ آلے رجحان …
صدرِ مملکت آصف علی زرداری دی انتخابی کامیابی دے بعد نیپال دی نویں قیادت کوں مبارکباد
مزید خبراں
اسلام آباد۔ 11 مارچ (اے پی پی) صدرِ مملکت آصف علی زرداری نیپال دی راشٹریہ سواتنترا پارٹی تے اوندے رہنما بلیندرا شاہ کوں تاریخی انتخابی کامیابی تے مبارکباد ݙتی اے۔ بدھ کوں ایوانِ صدر دے پریس ونگ توں جاری بیان دے مطابق صدرِ مملکت آکھیا جو انتخابی عمل اچ نینگراں دی شرکت انتہائی حوصلہ افزاء اے اتے اے جوابدہ طرزِ حکمرانی تے اصلاحات کیتے خطے اچ پاتے ونڄݨ آلے رجحان دی عکاسی کریندی اے۔ انھاں آکھیا جو نینگر قیادت دا ابھرݨ جنوبی ایشیا تے پوری دنیا کیتے ہک مثبت سنیھا اے۔ صدرِ مملکت یاد ݙوایا جو پاکستان کوں شہید محترمہ بے نظیر بھٹو دی میراث تے فخر اے جیہڑی پاکستان دی ڳھٹ عمر ترین وزیراعظم بݨیاں۔ انھاں آکھیا جو نیپال اچ ہک نینگر وزیراعظم دا سامݨے آوݨ خطے کیتے خوش آئند پیش رفت اے۔ انھاں پاکستان اتے نیپال وچال 1960ء اچ سفارتی تعلقات دے قیام دے بعد توں قائم دیرینہ تعلقات دا ذکر کریندیں ہوئیں پاکستان دی ایں خواہش دا اعادہ کیتا جو او نیپال دے نال آپسی احترام تے مشترکہ مفادات دی بنیاد تے ݙو پاسہ تعاون کوں ٻیا فروغ ݙیوݨ چاہندن۔ صدر آصف علی زرداری نویں قیادت کیتے نیک تمنائیں دا اظہار کیتا اتے امید ظاہر کیتی جو اے نیپال دی ترقی اچ اہم کردار ادا کریسی، جیندے نال خطے دی صورتحال بہتر تھیسی۔
