آپریشن غضب للحق دے دوران فتنہ الخوارج / افغان طالبان دے 641 دہشت گرد ہلاک، 855 توں ودھ زخمی ، وفاقی وزیرِ اطلاعات عطاء اللہ تارڑ

اسلام آباد۔ 11 مارچ (اے پی پی) آپریشن غضب للحق دے دوران 11 مارچ 2026 کوں 4 وڄے تئیں فتنہ الخوارج / افغان طالبان دے 641 دہشت گرد ہلاک تے 855 توں ودھ زخمی تھی ڳئن۔ وفاقی وزیرِ اطلاعات و نشریات عطاء اللہ تارڑ سماجی رابطے دے پلیٹ فارم ”ایکس“ تے آپݨی ہک پوسٹ اچ ݙسایا جو آپریشن غضب للحق دے دوران افغان طالبان دی 243 چیک پوسٹاں تباہ تھیاں جݙاں جو 42 چیک پوسٹاں قبضے اچ گھن تے تباہ کیتیاں ڳئن۔ ایویں 219 ٹینک، بکتر بند گاݙیاں تے توپاں تباہ کیتیاں ڳئیاں۔ افغانستان اچ 65 دہشت گرداں دے ٹھکاݨیں تے معاون جہیں کوں فضائی کارروائی اچ موثر طور تے نشانہ بݨایا ڳیا۔