بجلی صارفین دیاں شکایتاں دے ازالے کوں شفاف بݨاوݨ کیتے سارے ڈسکوز کوں واضح احکامات جاری کر ݙتن، سردار اویس لغاری

اسلام آباد۔ 12 مارچ (اے پی پی) وفاقی وزیر پاور سردار اویس احمد خان لغاری بجلی صارفین دیاں شکایتاں دے ازالے کوں مزید موثر تے شفاف بݨاوݨ کیتے وݙے فیصلے کریندے سارے بجلی تقسیم کار کمپنیاں (ڈسکوز) کوں واضح احکامات جاری کرݙتن۔ انھاں احکامات دا مقصد صارفین کوں ریلیف ݙیوݨ تے غفلت ورتݨ آلے افسراں دے خلاف سخت کارروائی کرݨ اے۔ترجمان پاور ڈویژن موجب وفاقی وزیر ہدایت کیتی اے جو سارے ڈسکوز صارفین دیاں شکایتاں دے حوالے نال خراب کارکردگی ݙکھاوݨ آلے افسراں دے خلاف فوری ایکشن گھنن۔ انھاں ہر مہینے 118 پلیٹ فارم دے ڈیٹا دی بنیاد تے خراب تے بہترین کارکردگی آلے سب ڈویژنز کوں نامزد کرݨ دے احکامات جاری کیتن تاں جو کارکردگی دا جائزہ ڳھدا ونڄ سڳے، جیندے نال سروس بہتر تھیسی۔ وفاقی وزیر ݙسایا جو اکتوبر 2025 توں فروری 2026 دے دوران 118 پلیٹ فارم تے 20 لکھ توں ودھ کالز ملیاں جنھاں اچوں 96 فیصد کوں کامیابی نال ہینڈل کیتا ڳیا۔ لیسکو، میپکو، فیسکو تے ٻئیاں کمپنیاں شکایتاں دے ازالے اچ شاندار کارکردگی ݙکھائی اے۔