اسلام آباد۔ 12 مارچ (اے پی پی) ترجمان دفترِ خارجہ طاہر حسین اندرابی آکھیے جو وزیراعظم محمد شہباز شریف سعودی عرب دے دورے دے دوران سعودی ولی عہد تے وزیراعظم شہزادہ محمد بن سلمان بن عبدالعزیز السعود نال ملاقات کریسن۔ اتھاں پریس بریفنگ اچ انھاں آکھیا جو وزیراعظم دا اے دورہ پاکستان تے سعودی عرب وچال علاقائی امن و سلامتی نال متعلق امور تے جاری رابطیں دا حصہ اے، خصوصاً …
وزیراعظم شہباز شریف دورہ سعودی عرب دے دوران ولی عہد شہزادہ محمد بن سلمان نال ملاقات کریسن، ترجمان دفترِ خارجہ
مزید خبراں
اسلام آباد۔ 12 مارچ (اے پی پی) ترجمان دفترِ خارجہ طاہر حسین اندرابی آکھیے جو وزیراعظم محمد شہباز شریف سعودی عرب دے دورے دے دوران سعودی ولی عہد تے وزیراعظم شہزادہ محمد بن سلمان بن عبدالعزیز السعود نال ملاقات کریسن۔ اتھاں پریس بریفنگ اچ انھاں آکھیا جو وزیراعظم دا اے دورہ پاکستان تے سعودی عرب وچال علاقائی امن و سلامتی نال متعلق امور تے جاری رابطیں دا حصہ اے، خصوصاً خطے اچ تشدد تے جاری کشیدگی مکاوݨ کیتے کوششاں دے تناظر اچ اے۔انھاں آکھیا جو اے دورہ اوں وسیع تر سفارتی کاوش دا وی حصہ اے جیندے تحت پاکستان خطے اچ وقتی جنگ بندی تے تشدد دے خاتمے کیتے آواز چیندا پئے تاں جو مذاکرات تے سفارتکاری دے ذریعے مسئلیں دے حل دا رستہ ہموار کیتا ونڄ سڳے۔ ترجمان آکھیا جو اِیں سلسلے اچ گزریل ݙینھ وزیراعظم ایران دے صدر مسعود پیزشکیان دے نال ٹیلی فون تے ڳالھ مہاڑ کیتی، ݙوہیں رہنماواں ہک ٻئے کوں رمضان المبارک دی مبارخ ݙتی۔ وزیراعظم ایں موقع تے آیت اللہ سید علی خامنہ ای دی شہادت تے تعزیت دا اظہار کیتا۔ترجمان آکھیا جو وزیراعظم 10 مارچ کوں ایران دے رہبر مجتبیٰ خامنہ ای دے ناں آپݨے خط دے تسلسل اچ ایران دے صدر کوں مجتبیٰ خامنہ ای دی طرفوں اہم ذمہ داری کوں سنبھالݨ تے مبارخ ݙتی۔ وزیراعظم ایں امید دا اظہار کیتا جو ایران آوݨ آلے سالاں اچ امن، استحکام، وقار تے خوشحالی دے رستے تے گامزن رہسی۔
