جدہ۔ 12 مارچ (اے پی پی) وزیراعظم محمد شہباز شریف سعودی عرب دے ولی عہد و وزیراعظم شہزادہ محمد بن سلمان آل سعود دی دعوت تے سعودی عرب دے سرکاری دورے تے پڄ ڳئن۔ وزیراعظم دفتر دے میڈیا ونگ توں جاری بیان موجب وزیراعظم سعودی عرب اچ کجھ گھنٹے قیام کریسن تے سعودی عرب دے ولی عہد و وزیراعظم شہزادہ محمد بن سلمان آل سعود نال ملاقات دے بعد وطن …
وزیراعظم محمد شہباز شریف سعودی شہزادہ محمد بن سلمان آل سعود دی دعوت تے سعودی عرب دے سرکاری دورے تے پڄ ڳئن
مزید خبراں
جدہ۔ 12 مارچ (اے پی پی) وزیراعظم محمد شہباز شریف سعودی عرب دے ولی عہد و وزیراعظم شہزادہ محمد بن سلمان آل سعود دی دعوت تے سعودی عرب دے سرکاری دورے تے پڄ ڳئن۔ وزیراعظم دفتر دے میڈیا ونگ توں جاری بیان موجب وزیراعظم سعودی عرب اچ کجھ گھنٹے قیام کریسن تے سعودی عرب دے ولی عہد و وزیراعظم شہزادہ محمد بن سلمان آل سعود نال ملاقات دے بعد وطن واپس روانہ تھی ویسن۔جدہ دے بین الاقوامی ہوائی اݙے دے رائل ٹرمینل تے مکہ ریجن دے ڈپٹی گورنر پرنس سعود بن مشعل بن عبدالعزیز، ریاض اچ تعینات پاکستان دے سفیر احمد فاروق، جدہ اچ تعینات پاکستان دے قونصل جنرل سید مصطفیٰ ربانی تے ٻئے سفارتی عملے وزیراعظم دا استقبال کیتا۔ وزیراعظم تے سعودی ولی عہد شہزادہ محمد بن سلمان وچال ملاقات اچ خطے دی موجودہ صورتحال، علاقائی سلامتی دی صورتحال تے ݙو طرفہ تعلقات تے تفصیلی ڳالھ مہاڑ تھیسی۔ بیان موجب ایں دورے نال پاکستان دا سفارتی میدان اچ مثبت کردار واضح تھیندا پئے تے پاکستان اے کردار ادا کریندا رہسی۔
